«ۇلكەن دەلەگاتسيامەن باكۋگە كەلدىك. مۇندا ساۋدا-ەكونوميكالىق ميسسيا وتەدى, وعان تاماق ونەركاسىبى, ماشينا جاساۋ, IT, مەديتسينا, مەتالل يلەگى, مۇناي حيمياسى, قۇرىلىس ماتەريالدارى مەن جابدىقتارىن وندىرۋمەن اينالىساتىن كومپانيالارىمىز قاتىسادى», دەپ جازدى سۇلتانوۆ.
مينيستر IT-شەشىمدەر سالاسىندا جۇمىس ىستەيتىن جەرگىلىكتى, ازىربايجاندىق كومپانيا قازاقستاندا بيزنەس-سەرىكتەستەر مەن وندىرۋشىلەر ىزدەپ جاتقانىن مالىمدەدى.
ء«بىزدىڭ كومپانيالارىمىز ءوز ونىمدەرىن جانە ەكسپورتتىق مۇمكىندىكتەرىن تۇركى الەمىنىڭ بارلىق ەلدەرىنە ۇسىنادى. ميسسيامىز تۇركىتىلدەس مەملەكەتتەر ىنتىماقتاستىعى كەڭەسىنىڭ ەكونوميكا جانە ساۋدا مينيسترلەرىنىڭ 10-شى وتىرىسى كۇندەرى وتۋدە.
جاقىندا مەن ساۋدا-ەكونوميكالىق ميسسيالاردىڭ جۇمىسىنا سىني باعا بەرگەنىن وقىدىم, ولاردىڭ ناتيجەسى مەن اسەرى جوق دەگەن سەكىلدى وي شىعادى ەكەن. مەن بۇعان كەلىسپەيمىن», دەدى ول.
ءمينيستردىڭ جازۋىنشا, وتكىزىلگەن التى ساۋدا-ەكونوميكالىق ميسسيا ارقاسىندا جىل باسىنان بەرى 163 ميلليونعا 40 كەلىسىمشارت جاسالعان. سونىمەن قاتار ءبىر ءجۇز ميلليوندىق جاڭا كەلىسىمشارتتار جاساۋ جوسپارلانعان. قازىر ولار قول قويۋعا دايىندىق كەزەڭىندە.
«ساۋدا-ەكونوميكالىق ميسسياعا قاتىسۋ 100% كەلىسىم-شارت جاساسۋعا كەپىلدىك بەرمەيتىنىمەن كەلىسەمىن, بىراق ءارتۇرلى ەلدەر بيزنەسىنىڭ جەكە بايلانىستارى نىعايىپ كەلەدى.
بيزنەس ءبىر-بىرىمەن تانىسىپ جاتقاندا, ءبىز ازەربايجاندىق ارىپتەستەرىمىزبەن ۇكىمەتارالىق كوميسسيانىڭ كەزەكتى 11 وتىرىسىن وتكىزەمىز.
كۇن تارتىبىندە ساۋدا-ەكونوميكالىق ىنتىماقتاستىقتىڭ بارلىق سالالارىن قامتيتىن ماسەلەلەر بار. ونىڭ ىشىندە, ەكى ەل بيزنەس ورتالارىنىڭ ديالوگى ءۇشىن «قازاقستان - ءازىربايجان ىسكەرلىك كەڭەسى» پلاتفورماسىن قۇرۋ دا بار.
بۇگىن ءبىز ءازىربايجان ەكونوميكا, قورعانىس ونەركاسىبى, كولىك, بايلانىس جانە جوعارى تەحنولوگيالار مينيسترلىكتەرىنىڭ باسشىلارىمەن ەكىجاقتى كەزدەسۋلەر وتكىزەمىز.
قولدان كەلگەنشە كەلىسسوزدەر بارىسى تۋرالى سىزدەرگە حابارلايتىن بولامىن», دەپ قورىتىندىلادى سۇلتانوۆ.
