اۋا رايى • 08 قىركۇيەك، 2021

جاڭبىر جانە ۇسىك. الداعى ءۇش كۇندە اۋا رايى قانداي بولادى؟

156 رەت كورسەتىلدى

سينوپتيكتەر 9-11 قىركۇيەككە ارنالعان اۋا رايى بولجامىن ۇسىندى، دەپ حابارلايدى Egemen.kz.

تسيكلون مەن فرونتال بولىكتەر اسەرىنەن سولتۇستىكتە، سولتۇستىك-شىعىستا جاڭبىر جاۋىپ، شىعىس وڭىرلەردە نوسەر بولادى دەپ كۇتىلەدى. تەك وڭتۇستىك پەن باتىستا جاۋىن-شاشىنسىز اۋا رايى بولجانعان.

10 قىركۇيەكتەن باستاپ سولتۇستىك تسيكلوننىڭ قازاقستان اۋماعىنا ىعىسۋىنا بايلانىستى ەلىمىزدىڭ باسىم بولىگىندە، تاۋلى اۋدانداردا جانە وڭتۇستىك، وڭتۇستىك-شىعىس وڭىرلەردىڭ سولتۇستىگىندە، نايزاعاي مەن بۇرشاق جاۋ ىقتيمالدىعى بار.

«باتىستا، سولتۇستىك-باتىستا اۋا تەمپەراتۋراسى بىرتىندەپ كوتەرىلەدى: تۇندە 3-11-دەن 5-15 گرادۋسقا دەيىن، كۇندىز 15-23-تەن 20-28 گرادۋسقا دەيىن. سولتۇستىك پەن ورتالىققا كەلسەك، تۇندە نەگىزگى فون 2-13 گرادۋس بولادى.

ال، 9 قىركۇيەكتە توپىراق بەتىندە 2 گرادۋس ۇسىك جۇرەدى. كۇندىز 15-23-تەن 10-20 گرادۋسقا دەيىن، شىعىستا نەگىزگى فون تۇندە 2-16-عا، كۇندىز 15-25 گرادۋس، وڭتۇستىك پەن وڭتۇستىك-شىعىستا تۇندە 10-18-دەن 4-14 گرادۋسقادەيىن، كۇندىز 19-30-دان 15-25 گرادۋسقا دەيىن جىلى بولادى دەپ بولجانعان»، دەلىنگەن حابارلامادا.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار