الگوريتمدى دەنساۋلىق ساقتاۋ مينيسترلىگى, مۇددەلى مەملەكەتتىك ورگاندار جانە «اتامەكەن» ۇكپ ازىرلەدى.
رەيد بارىسىندا مونيتورينگتىك توپ بۇرىن انىقتالعان بۇزۋشىلىقتاردان بولەك, كاسىپورىن قىزمەتكەرلەرىنىڭ COVID-19 ۆيرۋسىنا قارسى ەكپەنىڭ ءبىرىنشى كومپونەنتىن العان-الماعانىن تەكسەرەدى.
قىزمەتكەرلەر سانى 50 ادامنان اساتىن جانە ۇجىمداعى ادامداردىڭ 60%-دان ازى COVID-19 ۆاكتسيناسىنىڭ ءبىرىنشى كومپونەنتىن سالدىرعان كاسىپورىنداردىڭ ءتىزىمى جوبالىق كەڭسەنىڭ ۆاكتسيناتسيا كارتاسى نەگىزىندە جاسالادى.
موبيلدىك توپ (مت) رەيدىن تىركەۋ ءتارتىبى InfoKazakhstan ەلەكتروندىق پلاتفورماسىندا جۇزەگە اسىرىلادى.
مت وبەكتىگە شىعۋ كەزىندە جۇمىس بەرۋشى ەكپە العان جانە ۆاكتسيناتسيالاۋدان بوساتۋ تۋرالى قۇجاتتارى بار قىزمەتكەرلەردى (7 كۇننەن اسپايتىن مەرزىمدەگى پتر-زەرتتەۋلەر, تۇراقتى/ۋاقىتشا مەديتسينالىق قارسى كورسەتكىشتەر نەمەسە ساۋىققاننان كەيىن 3 اي ىشىندە COVID-19 اۋىرىپ جازىلعان ادامدار) كورسەتە وتىرىپ, تولىق ءتىزىم (اتى-ءجونى, جسن) ۇسىنادى.
مت ىرىكتەمەلى تۇردە (قىزمەتكەرلەر سانى 50-دەن 200 ادامعا دەيىن – قىزمەتكەرلەردىڭ كەمىندە 10%-ى, 201-دەن 500-گە دەيىن-كەمىندە 5%, 501-دەن 1000-عا دەيىن-كەمىندە 3%, 1000-نان جوعارى-كەمىندە 1%) ASHYQ قوسىمشاسى ارقىلى قىزمەتكەرلەردىڭ مارتەبەسىن تەكسەرەدى جانە جۇمىس بەرۋشى ۇسىنعان قىزمەتكەرلەر تىزىمىمەن سالىستىرىپ تەكسەرەدى.
«جاسىلدان» باسقا مارتەبەسى بار قىزمەتكەرلەر انىقتالعان جاعدايدا, ونىڭ ۆاكتسيناتسياسىز جۇمىس ورنىندا بولۋ قۇقىعىن بەرەتىن اقپارات (انىقتاما) سۇراتىلادى.
ۆاكتسيناتسيا ءتارتىبىنىڭ بۇزىلعانى راستالعان جاعدايدا مت ناقتى وسى تۇلعالاردى كورسەتە وتىرىپ ماتەريالدار قالىپتاستىرادى جانە كەيىننەن شەشىم قابىلداۋ ءۇشىن سەس ورگاندارىنا جىبەرەدى. كاسىپورىنعا (باسشىعا نە وزگە ۋاكىلەتتى تۇلعاعا) ۆاكتسيناتسيالانباعان جۇمىسكەرلەردى قىزمەت وبەكتىسىنە جىبەرۋدى شەكتەۋ قاجەتتىلىگى تۇسىندىرىلەدى.
سانيتاريالىق-ەپيدەميولوگيالىق قىزمەت ورگاندارى مت-تان كەلىپ تۇسكەن ماتەريالداردىڭ نەگىزىندە وبەكتىگە سانيتاريالىق-ەپيدەمياعا قارسى جانە سانيتاريالىق-پروفيلاكتيكالىق ءىس-شارالار جۇرگىزۋ تۋرالى قاۋلى بەرەدى.
مت قاۋلىدا بەلگىلەنگەن مەرزىم ىشىندە قىزمەتكەرلەردى جۇمىس ورىندارىنا نەگىزسىز جىبەرۋ فاكتىلەرىن قايتا انىقتاعان كەزدە جۇمىس بەرۋشىنى قر اقبتك سايكەس اكىمشىلىك جاۋاپكەرشىلىككە تارتۋ تۋرالى ماسەلە قارالادى.
جەرگىلىكتى اتقارۋشى ورگاندار وبەكتىلەرگە اكىمشىلىك شارالاردى قولدانۋ ناتيجەلەرى بويىنشا ونىڭ Ashyq جوباسىنا قاتىسۋىن توقتاتا تۇرادى.
بۇل تۋرالى COVID-19 تارالۋىنا جول بەرمەۋ جونىندەگى ۆاك حابارلادى.
