قىلمىس مامىر ايىنىڭ سوڭىندا بولعان. زەرتتەۋ كەزىندە انىقتالعانداي, بوگدە زاتتى, اتاپ ايتقاندا جانعىش سۇيىقتىقتى پايدالانعان ءۇش ادام, 33 جاستاعى س.ەسىمدى ازاماتشاعا تيەسىلى «كيا» ماركالى كولىكتى ادەيى ورتەگەن.
«كۇدىكتىلەر دەرەۋ انىقتالدى. ولار ورتەۋ فاكتىسىن مويىندادى جانە ا.ەسىمدى ازاماتشانىڭ 400 مىڭ تەڭگە سوماسىنداعى اقشالاي سىياقىسى ءۇشىن تاپسىرىستى ورىنداعاندارىن ايتتى. قىلمىس جاساعاندار قر قك-ءنىڭ 202-بابى 2-ءبولىمى بويىنشا جاۋاپقا تارتىلدى جانە قاماۋعا الىندى. تاپسىرىس بەرۋشىنىڭ ارەكەتتەرى قر قك-ءنىڭ 28-بابى 3-ءبولىمى, 202-بابى 1-ءبولىمى بويىنشا تىركەلدى. ول ۋاقىتشا ۇستاۋ يزولياتورىنا قامالدى. بۇگىن سوتقا دەيىنگى تەرگەۋ ورگانى ا.ەسىمدى ازاماتقا قاتىستى «قاماۋدا ۇستاۋ» تۇرىندەگى شارانى شىعاردى», دەدى الماتى قالاسى پوليتسيا دەپارتامەنتى تەرگەۋ باسقارماسىنىڭ باستىعى مۇحامەدالى سەيسەن ۇلى.
