قوعام • 08 قىركۇيەك، 2021

جەتىنشى ارميا حالىقارالىق ويىندارى اياقتالدى

34 رەت كورسەتىلدى

ون ءبىر مەملەكەتتىڭ اۋماعىندا وتكەن VII ارميا حالىقارالىق ويىندارى اياقتالدى. قازاق­ستاندىق اسكەري قىزمەتشىلەر بۇل اسكەري سايىستى جەمىستى وتكىزدى. ءبىزدىڭ جاۋىنگەرلەردىڭ قور­جىنىندا ەكى التىن، ءبىر كۇمىس جانە سەگىز قولا مەدال بار.

ويىن باعدارلاماسىنا 40-تان استام ەلدىڭ اسكەري قىزمەتشىلەرى قاتىستى. جارىس ءبىر مەزگىلدە 23 پوليگوندا جانە ءۇش تەڭىزدىڭ سۋ ايلاعىندا ءوتتى. قازاقستاندىق اسكەري قىزمەتشىلەر ونىڭ ىشىندە ون ءبىر كونكۋرسقا قاتىستى، ولاردىڭ ەكەۋى ەلىمىزدە ءوتتى.

«ماتىبۇلاق» پوليگونىندا وت­كەن «سۇڭقار اڭشىلىعى» كونكۋر­سى بو­يىنشا، ياعني اۋە بارلاۋىن جۇرگىزۋ، بەرىلگەن نىسانداردى ىزدەۋ، ۇشقىشسىز ۇشۋ اپپاراتتارىنا قىزمەت كورسەتۋ جانە ولاردى ۇشۋعا دايىنداۋ، وق اتۋدان شەبەرلىكتەرىن كورسەتۋ سايىسىندا قازاقستان 1-ورىن الدى. سول پوليگوندا «ارتيللەريادان وق اتۋ شەبەر­لەرى» سايىسىندا مينااتقىش ەسەپ­توپ­تارى باق سىناستى. كونكۋرستىڭ ءۇش كەزەڭىندە اسكەري قىزمەتشىلەر جىلدامدىق پەن مەرگەندىك كورسەتەتىن جاۋىنگەرلىك تاپسىرمالاردى ورىندادى. ولار جەكە جارىستا، تۇنگى سپرينت جانە فينالدىق ەستافەتادا جەڭىس ءۇشىن كۇرەستى. ناتيجەسىندە، قازاقستان كومانداسى جەڭىمپاز اتاندى.

ريازاندا «دەسانت ۆزۆودى» كونكۋرسى ءوتىپ، قاتىسۋشىلار ۆزۆود قۇرا­مىندا دەسانت ءتۇسىردى، مارش جاسادى، جاۋىنگەرلىك كولىكتەردە جارىستى جانە قويان-قولتىق ۇرىس جۇرگىزدى. بۇل كونكۋرستا 2-ورىندى قازاقستان مەن قىتاي اسكەري قىزمەتشىلەرى ءوزارا ءبولىستى. «تاكتيكالىق مەرگەن» كونكۋرسىندا اسكەري قىزمەتشىلەر عيماراتتاعى، باتپاقتى جەردەگى جانە ورمانداعى ۇرىستى ءتۇرلى جاعدايدا كورنەكى كورسەتىپ، تاپسىرمالاردى ورىندادى، سونداي-اق جاۋىنگەرلىك قۇرامدا ەكەۋدەن جانە تورتەۋدەن توپتاسىپ جارىستى. بۇل سايىستا ۇزدىك ۇشتىكتى قازاقستان تۇيىندەدى.

تىۆادا وتكەن «اتتار مارافونىنا» قازاقستاندىق تاۋ-ەگەرلىك پولك­تىڭ اسكەري قىزمەتشىلەرى قاتىستى. قازاقستاندىق اسكەري شاباندوزدار بارلىق كەزەڭدەردى ابىرويمەن ەڭ­سەرىپ، 3-ورىندى قازاقستاندىق كوماندا يەلەندى. ارمەنيانىڭ ديليجان قالاسىندا «بەيبىتشىلىك جاۋىن­گەرى» كونكۋرسى بولىپ، جارىس قورىتىن­دىسى بويىنشا قازاقستان 3-ورىن ال­دى. ماسكەۋ ماڭىنداعى پاتريوت ساياباعىندا «اسكەر مادەنيەتى» كونكۋرسى بولدى. وعان ءبىزدىڭ ەلىمىزدىڭ اتىنان ۇلتتىق اسكەري-پاتريوتتىق ورتالىقتىڭ شىعارماشىلىق ۇجىمى جانە قارۋلى كۇشتەردىڭ اسكەري-تاريحي مۋزەيىنىڭ قىزمەتكەرلەرى باردى. جيىرما ەلدىڭ كومانداسى قاتىسقان جارىستا 3-ورىندى قازاقستان مەن بەلارۋس ەلدەرى ءوزارا ءبولىستى. اسكەري پوليتسەيلەر سەربيادا وتكەن ء«تارتىپ ساقشىسى» كونكۋرسى بارىسىندا كاسىبي شەبەرلىك تانىتتى. وعان يران، قازاقستان، قاتار، كيپر، رەسەي جانە سەربيا كوماندالارى قاتىستى. جارىستار جەكە جانە كوماندالىق كەزەڭدەردى قامتىدى. سوڭعى جانە اسا كۇردەلى سىناق «باتىرلار جارىسى» بولدى. قاتىسۋشىلار ۇزىندىعى ون ەكى شاقىرىمدىق كۇدەرگى كەدەرگىلەردى ەڭسەرۋى ءتيىس بولدى. كونكۋرستا ەلىمىزگە 3-ورىن بۇيىردى.

«ەلبرۋس شەڭبەرىنە» قازاقستان­نىڭ تاۋداعى دايىندىق ورتالىعىنىڭ اس­كەري الپينيستەرى قاتىستى. جارىس كابار­دا-بالقارداعى «تەرسكول» پوليگونىندا ءوتتى. بىرنەشە ارنايى تاپسىرمالاردى قۇراعان كونكۋرس بارىسىندا قاتىسۋشىلار جەكە جانە بايلامدار ارقىلى تاۋعا ورمەلەپ جارىستى، جاساندى تاۋ بەدەرىنە شابۋىل جاسادى، تاۋلى جەرلەردە باعدارلاۋدى پىسىقتا­دى، تاسادان وق جاۋدىردى، تاۋداعى وزەن ار­قىلى ءوتتى جانە ەلبرۋس شىڭىنا شىق­تى. وعان ابحازيا، ارمەنيا، ءۇندى­ستان، قازاقستان، قىتاي، پاكىستان، وزبەك­ستان، رەسەي جانە وڭتۇستىك وسەتيا­نىڭ اسكەري الپينيستەرى قاتىستى. كون­كۋرس قورىتىندىسىندا قازاقستان 3-ورىن­عا جايعاستى. يراندا وتكەن ءسۋۇستى كەمە­لەرى ەكيپاجدارىنىڭ «تەڭىز كۋبوگى» جارىسىندا قازاقستاندىق اسكەري تەڭىزشى­لەر ازەربايجان، يران جانە رەسەي­دىڭ وكىلدەرىمەن جارىسىپ، بۇل جولى دا 3-ورىندى قازاقستان مەن ازەربايجان ءوزارا ءبولىستى.

تانىمال «تانك بياتلونى» كونكۋرسى ەڭ ۇزدىك تانك ەكيپاجدارىن انىق­تادى. جارىستار مىقتى باسەكە­لەس­تىكتە ءوتتى. تانكىشىلەر اتىس شەپتەرى مەن كەدەرگىلەرى بار كۇردەلى جولدان ءوتتى. ءبىرىنشى كەزەڭنەن باستاپ قازاق­ستان­دىق اسكەري قىزمەتشىلەر ون توعىز ەلدىڭ قاتىسۋشىلارى اراسىندا ۇز­دىك ۇشتىكتە بولدى. فينالدىق ەستافە­ت­ا­نىڭ قورىتىندىسى بويىنشا قازاق­ستاندىق تانكيستەر 3-ورىنعا يە بولدى.

بيىل سانيتارلىق-ەپيدەميالىق جاعدايعا بايلانىستى قازاق­ستاننىڭ قارۋلى كۇشتەرى 11 بايقاۋعا عانا قاتى­سۋ­مەن شەكتەلدى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

ۇقساس جاڭالىقتار