مەكتەپتىڭ قۇرىلىسى باستالدى

ارىس قالاسىنىڭ اكىمى گۇلجان قۇرمانبەكوۆا جولداۋدا بەرىلگەن تاپسىرمانى ورىنداۋ بويىنشا جۇمىس قارقىندى جۇرگىزىلەتىنىن ايتتى.

– بۇگىنگى تاڭدا ارىس قالاسىندا جە­كە كاسىپكەرلەردىڭ مەكتەپ سالۋ­عا دەگەن قىزىعۋشىلىقتارى وتە جو­عا­رى بولىپ وتىر, – دەيدى قالا اكىمى.

ءوز كەزەگىندە مەكتەپ قۇرىلى­سىن باستاعان جەكە كاسىپكەر كلارا نۇرمانوۆا ونتام ەلدى مەكەنىندە مەكتەپ سالۋ ءىسى كوپتەن بەرى ويدا جۇرگەنىن ايتتى.

– حالىقتىڭ جانە قالا باس­­شى­­لى­عىنىڭ قولداۋىمەن بۇل ءىس جولعا قويىلىپ وتىر. كوپشىلىككە راحمەت ايتامىن. ەلدى مەكەننىڭ تۇر­عىندارى جۇمىسپەن قامتىلسىن دەپ, وقۋشىلار قىستا توڭباي, جا­قىن جەردەگى مەكتەپكە بارسىن دەپ حالىق ءۇشىن يگىلىكتى ءىس باستاپ جا­تىر­مىز. مەكتەپ 150 ورىندىق بو­لا­دى. وعان ءوز ەسەبىمىزدەن 600 ملن تەڭگە قارجى بولەمىز. جەردى مەم­ل­ەكەت­تەن اۋكتسيون ارقىلى ساتىپ الدىق, – دەدى كلارا نۇرمانوۆا.

ال ارىس قالالىق ادامي الەۋەت­تى دامىتۋ ءبولىمىنىڭ باسشى­سى ءاشىم­حان مومبەكوۆ بولسا, بۇگىن­گى تاڭدا قالادا 37 مەكتەپ بار ەكەنىن جەتكىزدى.

– وندا ءبىلىم الۋشىلار سانى 20 مىڭعا جۋىقتايدى. وسىدان 2 جىل بۇرىن شاعىن اۋداندار بويىنشا بالا سانىنىڭ ارتۋىنا وراي بىرنەشە مەكتەپ قۇرىلىسى باس­تالعان. ەندى, مىنە, ونتام ەلدى مە­كە­نىندە 150 ورىندىق مەكتەپتىڭ قۇ­رى­لىسىن جەكە كاسىپكەر قولعا الىپ وتىر. تاعى ەكى مەكتەپتىڭ قۇرى­لى­سى وب­لىستىق بيۋدجەت ەسەبىنەن قار­جى­لاندىرىلادى, – دەيدى ءا.مومبەكوۆ.

2,5 گەكتار شاماسىنداعى اۋماق­­تى الىپ جاتقان مەكتەپ ماڭىن­­دا سپورت الاڭى دا سالىنادى. قۇرىلىس كەزىندە جەرگىلىكتى 50 ازامات جۇمىسپەن قامتىلادى. مەر­دىگەر كومپانيا نىساندى ال­داعى وقۋ جىلىندا تولىق ءبىتىرىپ, پايدالانۋعا بەرۋدى كوزدەپ وتىر.

ايتا كەتەيىك, بۇگىنگى تاڭدا ونتام اۋىلىندا «ىنتىماق» اتىن­­داعى شاعىن جيناقتى باس­تاۋىش مەك­­تەپ قانا بار. ول جەردە 1-4 سىنىپ ارالىعىنداعى 50 بالا ءبىلىم الادى.

ال 5-11-سىنىپتار ارالىعىن­داعى 42 بالا اقدالا اۋىلىنداعى س.ەرۋباەۆ اتىنداعى مەكتەپكە قاتىناپ وقيدى. جالپى العاندا, اۋىل تۇرعىندارىنىڭ سانى 500-گە جۋىق بولسا, ونىڭ 105-ءى مەكتەپ جاسىنداعى بالالار.