ەلوردا • 07 قىركۇيەك، 2021

نۇر-سۇلتاندا اعاش وتىرعىزۋ ەكواكتسياسى باستالدى

88 رەت كورسەتىلدى

ەلوردانىڭ پرەزيدەنت ساياباعىندا ەكولوگيالىق اكتسياعا قاتىسۋشىلار – قوعامدىق ۇيىمداردىڭ وكىلدەرى، ەرىكتىلەر، ەلوردالىق جاستار جانە قالالىق ءماسليحات دەپۋتاتتارى 200-دەن استام اعاش وتىرعىزدى، دەپ حابارلايدى Egemen.kz.

ء«ار دەمالىس سايىن ەلوردا تۇرعىندارىن جاسىل جەلەك وتىرعىزۋعا شاقىرامىز. جالپى العاندا، ءبىز قالا ىشىندە 200 مىڭ، ال ەلوردانىڭ اينالاسىنداعى جاسىل بەلدەۋ اۋماعىنا 800 مىڭ اعاش وتىرعىزامىز. قالانى كوگالداندىرۋ ەكولوگيالىق جاعدايدى جاقسارتۋدا ماڭىزدى ءرول اتقارادى. ولار كليماتقا اسەر ەتەدى، شۋدى ازايتادى، شاڭدى وزىنە سىڭىرەدى، بيوارتۇرلىلىكتى قولدايدى»، دەدى نۇر-سۇلتان قالاسى اكىمىنىڭ ورىنباسارى نۇرلان سولتامبەكوۆ.

اكىم ورىنباسارىنىڭ ايتۋىنشا، جىل سوڭىنا دەيىن قالا اۋماعىن اباتتاندىرۋ اياسىندا تاعى 22 قوعامدىق كەڭىستىك اشىلادى. اتاپ ايتقاندا، پرەزيدەنت ساياباعىندا سپورت جانە بالالار الاڭى، يت سەرۋەندەتەتىن ورىن اشۋ جوسپارلانىپ وتىر.

«بۇگىنگى اكتسيا اياسىندا 113 گا اۋماققا سوزىلعان ساياباققا قاراعاي، تەرەك، ەمەن جانە قايىڭ كوشەتتەرى وتىرعىزىلدى – بارلىعى 200-دەن استام اعاش. جاقىن ارادا 1000-عا جۋىق اعاش وتىرعىزۋ جوسپارلانعان»، دەپ جازادى نۇر-سۇلتان اكىمدىگىنىڭ رەسمي سايتى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار