قر ءسىم حابارلاۋىنشا, پيلوتتىق جوبا ابۋ-دابي, بىشكەك, ۆاشينگتون, ماسكەۋ, نيۋ-يورك, پراگا, سانكت-پەتەربۋرگ, سەۋل, ىستامبۇل جانە ماينداعى-فرانكفۋرت قالالارىندا ورنالاسقان 10 ديپلوماتيالىق وكىلدىكتە جۇمىس ىستەيدى.
جوبانىڭ ماقساتى – ەلدەن تىس جەردە تۇراقتى نەمەسە ۋاقىتشا تۇراتىن وتانداستارعا «ەلەكتروندىق ۇكىمەت» پورتالىنىڭ بارلىق اۆتوماتتاندىرىلعان قىزمەتىن, ونىڭ ىشىندە سىرتقى ىستەر مينيسترلىگىنىڭ ەلەكتروندىق قىزمەتىن قولجەتىمدى ەتۋ.
شەتەلدەگى مەكەمەگە بارار الدىندا ازاماتتار قر ۇلتتىق كۋالاندىرۋشى ورتالىعىنىڭ پورتالىندا «جەكە تۇلعالارعا ارنالعان ەتسق» الۋ ءۇشىن الدىن الا ءوتىنىم بەرۋ قاجەت. ول ءۇشىن NCALayer باعدارلاماسىن ورناتىپ, جسن ەنگىزىپ, ءتيىستى باعانداردى تولتىرۋ قاجەت.
ء«وتىنىش بەرۋشىنىڭ جەكە باسىن كۋالاندىراتىن قۇجات جانە ءوتىنىم بەرگەننەن كەيىن قالىپتاستىرىلعان, بىرەگەي ءنومىرى مەن ءوزىنىڭ قولى بار ءوتىنىش نەگىزىندە كونسۋلدىق لاۋازىمدى ادام ەتسق كىلتتەرىن شىعارۋعا ءوتىنىمدى اقپاراتتىق جۇيەدە راستاي الادى. بۇدان كەيىن ءوتىنىش بەرۋشى www.pki.gov.kz پورتالىندا شىعارىلعان سەرتيفيكاتتاردى (ەتسق) ىسكە قوسۋى قاجەت.
قازاقستاننىڭ ءموبيلدى ازاماتتارى بازاسىندا تەلەفون ءنومىرى تىركەلگەن جاعدايدا ەتسق-نى قاشىقتاندا (بارماي) الۋعا بولاتىنىن ەسكە سالامىز», دەپ جازىلعان ۆەدومستۆو حابارلاماسىندا.
