بۇل تۋرالى ۋەفا وداعى مالىمدەدى.
جانكۇيەرلەر ەندى ويىن وتەتىن ەلدىڭ ەرەجەلەرىنە عانا باعىنادى.
«جانكۇيەرگە ۋەفا جارىستارىنىڭ ماتچتەرىنە كىرۋگە تىيىم سالىنبايدى», دەلىنگەن حابارلامادا.
بىراق شەشىم ءتيىستى ۇلتتىق جانە جەرگىلىكتى بيلىك ورگاندارى تالابىنا بايلانىستى بولاتىنى ايتىلدى.
سونىمەن قاتار ۋەفا بۇدان بىلاي كورەرمەنگە بيلەتتەردى ايىرباستاۋعا تىيىم سالىنبايتىنىن حابارلادى. وسىلايشا, ستاندارتتى تاجىريبە قالپىنا كەلتىرىلەدى. وعان قوسا ستاديوننىڭ جالپى رۇقسات بەرىلگەن سىيىمدىلىعىنىڭ 5 پايىزى جانكۇيەر ءۇشىن ساقتالاتىنى دا ايتىلدى.
ەۋروپانىڭ Football Supporters Europe (FSE) جانكۇيەرلەر توبى ۋەفا شەشىمى چەمپيوندار ليگاسى, ەۋروپا ليگاسى مەن كونفەرەنتسيالار ليگاسى ماتچتەرىنە, سونداي-اق ۇلتتىق كوماندالاردىڭ ويىندارىنا قاتىستى ەكەنىن ءتۇسىندىردى. FSE مالىمەتىنشە, ەرەجە كەلەسى اپتادان باستاپ كۇشىنە ەنەدى.
