سپيكەردىڭ ايتۋىنشا, جىل باسىنان بەرى وتاندىق قۇرىلىس ماتەريالدارى 25 پايىزعا ءوستى.
«باعانىڭ نەگىزگى ءوسۋى سىرتقى نارىقتاعى باعا جاعدايىمەن نەگىزدەلگەن. بۇل وزگەرىستەر ارماتۋرا ء(وسىم 45%), كابەل (20%), پروفليست (70%), شىنى (35%) جانە باسقا دا ماتەريالدار قۇنىنا اسەر ەتتى», دەپ ءتۇسىندىردى ول.
سونداي-اق ەلەكتر ەنەرگياسىنا تاريفتەردىڭ ورتاشا - 12%-عا, جانار-جاعارماي - 15%-عا, ەنەرگەتيكالىق كومىر -10%-عا, تەمىرجول تاسىمالدارى - 18%-عا وسكەن. بۇل ءوز كەزەگىندە وتاندىق قۇرىلىس ماتەريالدارى باعاسىنىڭ وسۋىنە تىكەلەي اسەر ەتتى. ونىڭ وزىندىك قۇنىنا شاققانداعى شىعىنى 15-تەن 30% قۇرايدى.
س.جۇمانعاريننىڭ مالىمدەۋىنشە, باعانى كوتەرۋدىڭ نەگىزدىلىگىن قاراۋ جانە ءسوز بايلاسۋ بەلگىلەرىن بەلگىلەۋ ماقساتىندا قۇرىلىس ماتەريالدارىنىڭ 25 ءتۇرى (كىرپىش, بەتون, ارماتۋرا, تسەمەنت جانە ت.ب.) بويىنشا نارىقتاعى باسەكەلەستىكتىڭ جاي-كۇيىنە تالداۋ جۇرگىزىلىپ جاتىر. تالاپتاردى بۇزۋ بەلگىلەرىن جويۋ جانە باعانى تومەندەتۋ قاجەتتىلىگى تۋرالى 75 حابارلاما جولدانعان. تەك 42 كومپانيا حابارلامادا ايتىلعان تالاپتى ورىنداعان.
«ونىڭ ىشىندە 35 كومپانيا باعانى تومەندەتتى: ارماتۋرا – 25%, تسەمەنت – 10%, بەتون – 10%, پوليەتيلەندى قۇبىرلار – 6%, كابەل – 5-تەن 14%-عا دەيىن, كىرپىش - 3% ارزاندادى. سونىمەن قاتار بۇل باعىتتا 10 تەرگەپ-تەكسەرۋ جۇمىسى ءجۇرىپ جاتىر», دەدى اگەنتتىك باسشىسى.
