«Nur Otan» فراكتسياسىنىڭ دەپۋتاتى, پارلامەنت ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ مۇشەسى ءنازيلا راززاق ساياسي كەڭەس بيۋروسىنىڭ شەشىمىمەن پارتيانىڭ قۇقىقتىق كەڭەسىنىڭ توراعاسى بولىپ تاعايىندالدى», دەپ جازدى ول Twitter-دەگى پاراقشاسىندا.
سونداي-اق, باۋىرجان بايبەك جوعارعى سوتتىڭ سۋدياسى بولىپ سايلانعان قۇقىقتىق كەڭەستىڭ الدىڭعى توراعاسى قانات مۋسينگە پارتيا باسشىلىعى اتىنان العىس ايتتى.
پارتيانىڭ ءباسپاسوز قىزمەتى اتاپ وتكەندەي, قۇقىقتىق كەڭەستىڭ نەگىزگى مىندەتتەرى – «ادىلەتتى قۇقىق قورعاۋ جۇيەسى» باعىتى بويىنشا سايلاۋالدى ۋادەلەردىڭ ىسكە اسىرىلۋىن باقىلاۋ, پارتيا باسىمدىقتارىن ەسكەرە وتىرىپ, زاڭنامانى جەتىلدىرۋ جانە ت.ب.
ءنازيلا راززاق – زاڭ عىلىمدارىنىڭ دوكتورى, سوت تورەلىگى جانە بالالار قۇقىعىن قورعاۋ ورگاندارى ماسەلەلەرى بويىنشا 35-تەن استام عىلىمي ەڭبەگى بار, ولاردىڭ بىرقاتارى حالىقارالىق باسىلىمداردا جارىق كورگەن. قازاقستاندا بالا قۇقىقتارى جونىندەگى ۋاكىل ينستيتۋتىن ەندىرۋگە باستاماشىلاردىڭ ءبىرى بولعان.
ءار جىلدارى جامبىل وبلىستىق سوتى القاسىنىڭ حاتشىسى, اتىراۋ قالاسى سوتىنىڭ جانە اتىراۋ وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ سۋدياسى بولعان, سونداي-اق جوعارعى سوت اپپاراتىندا جۇمىس ىستەگەن.
2014 – 2021 جىلدارى ەلوردادا كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنىڭ توراعاسى, جوعارعى سوت جانىنداعى سوت تورەلىگى اكادەمياسىنىڭ ۆيتسە-رەكتورى, «Nur Otan» پارتياسىنىڭ رەسپۋبليكالىق قوعامدىق قابىلداۋ بولمەسىنىڭ مەڭگەرۋشىسى قىزمەتتەرىن اتقارعان.
2021 جىلدان باستاپ «Nur Otan» فراكتسياسىنىڭ دەپۋتاتى, پارلامەنت ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ مۇشەسى, سونداي-اق قۇقىقتىق كەڭەس توراعاسىنىڭ ورىنباسارى بولدى.
