«قازىرگى ۋاقىتتا باستاپقى تۇرعىن ءۇي باعاسىنىڭ ءوسۋ قارقىنى قاڭتار, شىلدەدە ءۇش پايىزدان 0,4 پايىزعا دەيىن تومەندەگەنى بايقالادى. ال, قايتالاما تۇرعىن ۇيلەر بەس پايىزدان 1,1 پايىزعا دەيىن ارزاندادى», دەدى جۇمانعارين ۇكىمەت وتىرىسىندا.
ونىڭ ايتۋىنشا, باعانىڭ تومەندەۋى الماتى, نۇر-سۇلتان, شىمكەنت جانە اتىراۋ قالالارىندا بايقالعان.
«حابارلامالاردى ورىنداۋ اياسىندا كومپانيالار توبى الماتىداعى بىرقاتار تۇرعىن ءۇي كەشەندەرىنىڭ باعاسىن 15 پايىزعا نەمەسە شارشى مەترى 90 مىڭ تەڭگەگە تومەندەتتى. تاعى ءبىر كومپانيا تۇرعىن ءۇي كەشەندەرىنىڭ باعاسىن ءبىر شارشى مەترگە 20 مىڭ تەڭگەگە دەيىن تومەندەتتى, نۇر-سۇلتان قالاسىنىڭ 51 تۇرعىن ءۇي كەشەنىندەگى باستاپقى تۇرعىن ءۇي باعاسى ورتا ەسەپپەن سەگىز پايىزعا تومەندەدى.
الماتىدا - 11 پايىز, شىمكەنتتە - ءۇش پايىز, اتىراۋدا - ءتورت پايىز. باسقا قۇرىلىس سالۋشىلار دا حابارلاندىرۋلاردى ورىنداپ, باعانى ورتا ەسەپپەن 15-20 پايىزعا تومەندەتتى», دەدى جۇمانعارين.
ول باعا ورتاشا ەسەپپەن 9 پايىزعا تومەندەگەنىن ايتتى. تومەندەۋ دياپازونى - ءبىر شارشى مەترگە 10 مىڭنان 125 مىڭ تەڭگەگە دەيىن.
