بۇدان بولەك, مەملەكەت باسشىسىنىڭ جولداۋىندا تاۋەلسىزدىكتى, مەملەكەتتىلىكتى, ۇلتتىق مۇددەلەردى, ۇلتتىق قۇندىلىقتاردى, ۇلت ساۋلىعىن, بولاشاقتى, جاس ۇرپاقتى, دارىندىلاردى, مادەنيەت پەن ونەردى, ەكونوميكانى, ەكولوگيانى, ەڭبەكتى قورعاۋ سەكىلدى سان سالالى ماسەلەلەر قامتىلدى.
قازىرگى الماعايىپ شاقتا بۇل كەمەلىنە كەلگەن, ءال-اۋقاتى مەن قايرات-قۋاتى تولىسقان ەلدەردىڭ قولىنان عانا كەلەتىن دۇنيە.
جولداۋدا ەل ءومىرىنىڭ ساياسي, الەۋمەتتىك, ەكونوميكالىق, اسكەري جانە باسقا دا قىرلارى تولىققاندى قامتىلدى. پرەزيدەنت جولداۋى مەملەكەتىمىزدە, قوعامدا, الەمدە, اينالادا بولىپ جاتقان وزگەرىستەردى كورىپ-ءبىلىپ, كوكەيگە توقىپ, كوپ ىزدەنۋدىڭ جەمىسى ەكەنى انىق.
پرەزيدەنت تاۋەلسىزدىكتى, ەل مەن جەردىڭ بۇتىندىگىن, حالىقتى, ۇلت پەن مەملەكەتتىك مۇددەنى قورعاۋ جولىندا بار كۇش-جىگەرىن سالىپ, جان اياماي ەڭبەك ەتە بەرەتىنىن جانە سونى بيلىكتەگى ءاربىر تۇلعادان تالاپ ەتەتىنىن نىق ايتتى.
ەندەشە پرەزيدەنتىمىز قاسىم-جومارت توقاەۆتىڭ بۇل جولداۋى ەلدى رۋحتاندىرادى, قوعامعا وي سالادى, ءار سالانىڭ دامۋىنا سەرپىن بەرەدى, ءسويتىپ, قازاقستاننىڭ جاڭا زامان تورىنەن, جاڭا الەم ورىنەن لايىقتى ورىن الۋىنا سۇبەلى ۇلەس قوسادى دەگەن سەنىمدەمىن.
بۇل جولعى جولداۋدىڭ تاعى ءبىر قۇندىلىعى سول, ق.توقاەۆ ستراتەگيالىق باسىمدىقتار سىرتىندا پرەزيدەنتتىك 5 ناقتى باستاماسىن جاريا ەتتى. بىرنەشە ميلليون قازاقستاندىقتى قامتيتىن بۇل باستامالار ازاماتتاردىڭ كوكەيكەستى پروبلەمالارىن شەشۋگە باعىتتالعان. وسىنىڭ ناتيجەسىندە قازاقستان حالقىنىڭ الەۋمەتتىك جاعدايى, تۇرمىس دەڭگەيى, ءال-اۋقاتى ورلەۋگە بەت الادى دەگەن ۇمىتتەمىن.
باقىتبەك سماعۇل,
ءماجىلىس دەپۋتاتى, Nur Otan فراكتسياسىنىڭ مۇشەسى
