ەرلەر قۇراماسىن قايرات ءساتجانوۆ باسقارادى.
ءساتجانوۆتىڭ جاتتىقتىرۋشىلىق ءوتىلى - 31 جىل. 2011 جىلدان 2019 جىلعا دەيىن قازاقستان جاسوسپىرىمدەر قۇراماسىنىڭ اعا جاتتىقتىرۋشىسى بولىپ جۇمىس ىستەدى. وسى ۋاقىت ىشىندە ونىڭ بوكسشىلارى ەكى رەت «ازيا بالالارى» حالىقارالىق ويىندارىنىڭ مەدالدىق كەستەسىن جەڭىپ الدى, ەكى رەت الەم چەمپيوناتتارىنىڭ ۇزدىك ۇشتىگىنە كىردى, سونىمەن قاتار ازيا چەمپيوناتىندا ەكى رەت جەڭىسكە جەتتى.
2019 جىلى ءساتجانوۆ قازاقستان جاستار قۇراماسىنىڭ باس جاتتىقتىرۋشىسى بولىپ تاعايىندالدى. ەكى جىل ىشىندە ونىڭ شاكىرتتەرى ازيا چەمپيوناتىندا ەكى رەت كوماندالىق ەسەپتە جەڭىسكە جەتتى جانە الەم چەمپيوناتىندا ەكىنشى ورىنعا يە بولدى.
بوكستان قازاقستان ايەلدەر قۇراماسىنىڭ جاڭا باس باپكەرىنىڭ ەسىمى دە بەلگىلى بولدى. شاميل سافيۋللين ءوز ءوتىنىشى بويىنشا كەتكەن ەرىك العابەكتىڭ ورنىنا تاعايىندالدى.
