بۇل تۋرالى كوكشەتاۋ.ازيا اقپاراتتىق پورتالى مالىمدەدى.
اقمولا وبلىسى بۋراباي اۋىلىندا بولعان قاندى قىلمىس تۇرعىنداردى شوشىتقان. قىلمىس 2020 جىلدىڭ 5 جەلتوقسانىندا كوپقاباتتى تۇرعىن ۇيدەگى پاتەرلەرىنىڭ بىرىندە ەر ادام ءتورت ايەلدى پىشاقتاپ ولتىرگەن.
تەرگەۋ مالىمەتتەرى بويىنشا, اقمولا وبلىسىنىڭ 28 جاسار تۇرعىنى ۆالەنتين شتىر بۋراباي اۋداندىق پوليتسيا بولىمىنە ءوزى حابارلاسىپ, ۇيىقتاپ جاتقان ءتورت ايەلدى ولتىرگەنى تۋرالى حاباردى جەتكىزگەن.
قىلمىستى جاساۋ كەزىندە ەر ادام ماس بولعان.
ونىڭ قۇرباندارى 70 جاستاعى ايەل مەن ونىڭ 41 جاستاعى قىزى جانە ەكى كورشىسى ەكەن.
ءتارتىپ ساقشىلارى تەلەفون سوققان ادامدى ۇستادى. ول بۇرىن بىرنەشە رەت ۇرلىق ءۇشىن سوتتالعان بولىپ شىقتى.
قىلمىسىن مويىنداعان كۇدىكتى قىلمىس قۇرالى – پىشاقتى كورسەتتى. قىلمىس سەبەبىن ول ولتىرىلگەندەردىڭ بىرىمەن اراز بولعانىمەن ءتۇسىندىردى.
اقمولا وبلىستىق سوتى سوتتالۋشىنى كىسى ولتىرگەنى ءۇشىن كىنالى دەپ تانىدى. سۋديا تورقالى بەكتۇرسىنوۆ ونى ءومىر بويىنا باس بوستاندىعىنان ايىردى.
ۇكىم زاڭدى كۇشىنە ەنگەن جوق.
سوتتالۋشى ءوز كىناسىن مويىندامادى.
