ساياسات • 06 قىركۇيەك، 2021

ءتىل مارتەبەسى – ەل مارتەبەسى

77 رەت كورسەتىلدى

وسى جىلدىڭ 3 قىركۇيەگىندە قازاقستان حالقىنىڭ تىلدەر كۇنىنە ارنالعان ء«تىل مارتەبەسى – ەل مارتەبەسى» اتتى ونلاين-دوڭگەلەك ۇستەلى ءوتتى. وعان قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى م.ءازىلحانوۆ، پارلامەنت ءماجىلىسىنىڭ دەپۋتاتى ن.دەمەنتەۆا، قحا مۇشەلەرى، ەتنومادەني بىرلەستىكتەردىڭ باسشىلارى مەن مۇشەلەرى، ەتنومادەني بىرلەستىكتەردىڭ جاستارى، عىلىمي جانە شىعارماشىلىق قاۋىم، قحا «جاڭعىرۋ جولى» رجق جانە باق وكىلدەرى قاتىستى.

ءىس-شارانىڭ ماقساتى – ءتىل مادەنيەتى مەن جالپىادامزاتتىق رۋحاني قۇندىلىقتار قاعيداتتارىنا نەگىزدەلگەن قوعامدىق كەلىسىم مەن جالپىۇلتتىق بىرلىكتى، قازاقستاندىق بىرەگەيلىكتى، تولەرانتتىلىق پەن ءوزارا تۇسىنىستىكتى نىعايتۋ جانە دامىتۋ.

قحا توراعاسىنىڭ ورىنباسارى مارات ءازىلحانوۆ ءوزىنىڭ سوزىندە پرەزيدەنتتىڭ جاڭا جولداۋىنىڭ ماڭىزدىلىعى تۋرالى ايتىپ، مەملەكەت باسشىسىنىڭ ءتىل ساياساتىنا باسىمدىق بەرگەنىن نازارعا الدى. سونداي-اق ول تاۋەلسىزدىكتىڭ العاشقى جىلدارىنان باستاپ رەسپۋبليكادا بۇكىل قازاقستان حالقىنىڭ مۇددەلەرىن ەسكەرەتىن، ەلدىڭ بارلىق ەتنوستارىنىڭ تىلدىك قۇقىقتارىنىڭ ساقتالۋىن قامتاماسىز ەتەتىن ۇيلەسىمدى ءتىل ساياساتى جۇرگىزىلىپ كەلە جاتقانىن اتاپ ءوتتى.

دوڭگەلەك ۇستەل بارىسىندا قاتىسۋشىلار قازىرگى تاڭدا ءارتۇرلى ەتنوستىڭ كوپتەگەن جاسى قازاق تىلىندە سويلەيدى دەگەن پىكىرلەرىن ءبىلدىردى. ونلاين-كونفەرەنتسيا بارىسىندا رەس­پۋبليكالىق ەتنومادەني بىرلەستىكتەر مەن قحا وڭىرلىك قۇرىلىمدارىنىڭ وكىلدەرى مەملەكەتتىك ءتىل ساياساتىن جۇزەگە اسىرۋ تاجىريبەسىمەن ءبولىسىپ، قازاقستانداعى تىلدەردى دامىتۋدىڭ وزەكتى ماسەلەلەرىن تالقىلادى.

قحا قوعامدىق قۇرىلىمدارىنىڭ قىزمەتى جاعدايىندا ءتىل ساياساتىن ودان ءارى دامىتۋدىڭ نەگىزگى باعىتتارى بويىنشا قىزىقتى پىكىر الماسۋ بولدى.

وسى كۇنى قازاقستان حالقى اسسام­بلەيا­سىنىڭ باستاماسىمەن جانە اقپارات جانە قوعامدىق دامۋ مينيسترلىگىنىڭ قولداۋىمەن نۇر-سۇلتان قالاسىنىڭ دوستىق ۇيىندە، سونداي-اق بارلىق وبلىستىق، قالالىق جانە اۋداندىق كىتاپحانالاردا، جوعارى وقۋ ورىندارىندا، كوللەدجدەر مەن مەكتەپتەردە ءبىر مەزگىلدە (سينحروندى) قازاق تىلىندە قحا-نىڭ جالپىقازاقستاندىق اشىق ديكتانتى وتكىزىلدى.

قحا-نىڭ جالپىقازاقستاندىق اشىق ديكتانتىنىڭ ماقساتى – مەملەكەتتىك ءتىلدىڭ قولدانىلۋ اياسىن كەڭەيتۋ، قازاقستاندىق بىرەگەيلىكتى قالىپتاستىرۋ، قازاق ءتىلىن ۇيرەنۋ ارقىلى قوعامدىق كەلىسىم مەن حالىق بىرلىگىن نىعايتۋ.

مەملەكەت باسشىسى ءوزىنىڭ 2021 جىلعى 1 قىركۇيەكتەگى جولداۋىندا ءوز بولاشاعىن ەلىمىزبەن بايلانىستىراتىن ءاربىر ازامات مەملەكەتتىك ءتىلدى ۇيرەنۋگە بار كۇش-جىگەرىن سالۋى ءتيىس ەكەنىن اتاپ ءوتتى.

قازاقستان حالقى اسسامبلەياسىنىڭ جالپىقازاقستاندىق اشىق ديكتانتىنىڭ قورىتىندىسى وسى جىلدىڭ قاراشا ايىندا « ۇلى دالانىڭ ۇلتارالىق ءتىلى» رەسپۋبليكالىق فورۋمىندا جاريالانادى.

 

سوڭعى جاڭالىقتار

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 11:47

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار