ايماقتار • 05 قىركۇيەك، 2021

رەفريجەراتور ۆاگوندار شىعارىلادى

139 رەت كورسەتىلدى

«پەتروپاۆل اۋىر ماشينا جاساۋ زاۋىتى» دەپ اتالىپ، بۇرىن اسكەري ونىمدەر عانا وندىرگەن ەڭ ءىرى كاسىپورىننىڭ اۋماعىندا 2019 جىلدان بەرى سولتۇستىك قازاقستاننىڭ الەۋمەتتىك ەكونوميكالىق دامۋىنىڭ كەشەندى جوسپارىنىڭ اياسىندا Cool Infinity اتتى جشس اشىلىپ، جۇمىس ىستەۋدە. بۇل كاسىپورىن بۇرىنعى زاۋىت اۋماعىن تۇگەل قامتىماسا دا ينفراقۇرىلىمدارى بارىنشا جەتىلدىرىلگەن وندىرىستىك ايماقتىڭ ۇلكەن بولىگىن ۇستاپ وتىر.

اعىلشىن تىلىندەگى بۇل ءسوز­دىڭ ءوزى «سالقىن شەكسىزدىك» دەپ اۋدا­رى­­لادى. سەرىكتەستىك تەر­موستى تە­مىر جول ۆاگوندارىن قۇ­راس­تى­را­دى. بۇل ۆاگوندار تاماق ونىم­دە­رىن بۇلدىرمەي، سال­قىن ساقتاپ، 21 كۇنگە دەيىن ونىڭ بۇ­زىل­ماۋىن قامتاماسىز ەتىپ، الىس قا­لالارعا جەتكىزە الادى.

كاسىپورىن ىسكە كىرىسكەن 2019 جانە 2020 جىلدارى وسىنداي 60 ۆاگون قۇراستىرىلدى. ءبىر ۆا­گون­نىڭ قۇنى 40 ملن تەڭگەنىڭ كولەمىندە. دەمەك، سول جىلدارى كاسىپورىن 2،4 ملرد تەڭگەنىڭ ءونى­مىن شىعارعان ەدى. تاپسىرىس بەرۋشى – «قازاقستان تەمىر جولى» ۇلتتىق كومپانياسى. سو­نىمەن قاتار سەرىكتەستىكتىڭ ونىم­دەرى رەسەي، ازەربايجان جانە ورتالىق ازيا ەلدەرىندە دە سۇرانىسقا يە.

Cool Infinity جشس باس دي­رەك­تورىنىڭ ورىنباسارى اقان كارىموۆتىڭ ايتۋىنا قارا­عان­دا، بيىل وسىنداي 80 بىرلىك ۆاگون قۇراستىرىلعان. ال جىل اياعى­نا دەيىن تاعى 57 ۆاگون جي­نال­ماق. بيىلعى جالپى مەجە – 140 ۆاگون.

ەندى وسى كاسىپورىن جاڭا ءونىم ءتۇرىن شىعارۋدى يگەردى. بۇل – ۆاگون-رەفريجەراتورلار. قازىر ونى شىعارۋدىڭ تەح­نو­لو­گيالىق بارىسى سىنامادان ءوتىپ، سەرتيفيكات الىنعان. بۇل ۆا­گوندار سالقىندىقتى ساق­تاي­تىن ۆاگونداردان دا قىم­بات. اتال­عان ۆاگوندارداعى تەز بۇ­لى­­نە­تىن تاماق ونىمدەرى ەش­قان­داي فيزيكو-حيميالىق نەمەسە بيوگەندىك فاكتورلاردىڭ اسە­رىنە ۇشىرامايدى. ويتكەنى وندا توڭازىتقىش جۇيەسى جۇمىس ىس­تەي­دى. ەگەر تەرموس تەك سىرتتان جىلۋ ەن­گىزبەسە، جاڭا ءونىم­نىڭ وزىنەن سۋىق اۋا شى­عادى. سون­دىقتان ونى «يزوتەر­ميا­لىق ۆا­گوندار» دەپ تە اتايدى. كا­سىپ­ورىن جىل سوڭىنا دە­يىن وسىنداي 5 رەفريجەراتور شىعارماق.

جاڭا ءونىمنىڭ تۇساۋكەسەر شا­راسىنا قاتىسقان وبلىس اكىمى قۇمار اقساقالوۆتىڭ ايتۋىنا قاراعاندا، جاڭا ءونىمدى يگەرگەن كاسىپورىن بيىل بارلىعى 5 ملرد تەڭگەنىڭ تاۋارىن شىعارماق. «بۇرىن زاۋىتتا 210 ادام ەڭبەك ەتە­تىن. ەندى، جاڭا ءونىمنىڭ ەن­گى­زىلۋىمەن جۇمىسكەرلەر سانى تاعى 30 ادامعا ارتقالى تۇر. رەف­­ريجەراتور-ۆاگوندار شىعارۋ تمد اۋماعىندا اسا كوپ دامىعان جوق. سوندىقتان بۇل ونىمگە دەگەن سۇرانىس تمد ەلدەرى عانا ەمەس، الىس شەتەلدەردەن دە تۇسە­تىن شىعار دەگەن ءۇمىت بار. سون­دىقتان كاسىپورىن بۇل ءونى­مىنىڭ پەرسپەكتيۆاسى جو­عا­رى»، دەدى ءوڭىر باسشىسى.

 

پەتروپاۆل

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار