فوتو: EPA/S. SABAWOON
اۆياكومپانيا جۇما كۇنى ىشكى رەيستەردى قايتا باستايدى. بۇل تۋرالى France-Presse اگەنتتىگىنە كومپانيا وكىلى تاميم احمادي حابارلادى.
ء«بىز تاليباننان (قازاقستاندا تىيىم سالىنعان) جانە اۆياتسيا رەتتەۋشىسىنەن رۇقسات الدىق. بۇگىن ىشكى رەيستەردى قالپىنا كەلتىرۋگە دايىندالىپ جاتىرمىز», دەدى ول.
بەيسەنبىدە Al Jazeera تەلەارناسى اۋعانستاننىڭ ازاماتتىق اۆياتسيا باس ديرەكتسياسىنىڭ وكىلىنە سىلتەمە جاساي وتىرىپ, جۇما كۇنىنەن باستاپ ەلدە ىشكى اۋە رەيستەرىنىڭ قايتا باستالاتىنىن حابارلادى. حالىقارالىق رەيستەردى قالپىنا كەلتىرۋ ءبىراز ۋاقىت الۋى مۇمكىن ەكەنىن ايتتى.
تاليبان بيلىكتى باسىپ العان سوڭ اۋعانستانداعى اۋە قوزعالىسىن توقتاتتى. باتىس مەملەكەتتەرىنىڭ اسكەرىن, ازاماتتارى مەن ديپلوماتتارىن ەۆاكۋاتسيالاۋ ءۇشىن كابۋلداعى اۋەجايدى پايدالاندى. ونىڭ تەحنيكالىق جاي-كۇيىن باعالاعان سوڭ جۇمىستى جالعاستىرۋ تۋرالى شەشىم قابىلدانعان. كاتار مەن تۇركيادان تەحنيكتەر الدىرىپ, سوڭعى بىرنەشە كۇندە قالپىنا كەلتىرۋ جۇمىسى جۇرگىزىلگەن.
