بۇل تۋرالى وتباسى بانك-تىڭ رەسمي وكىلدەرى مالىمدەدى.
ءبىرىنشى كەزەكتە قونىس تويىن كوپبالالى جانە تولىق ەمەس وتباسىلار, بالالار ءۇيىنىڭ تۇلەكتەرى, مۇمكىندىگى شەكتەۋلى ازاماتتار, بيۋدجەتتىك مەكەمە قىزمەتكەرلەرى مەن مەملەكەتتىك قىزمەتكەرلەر اتاپ ءوتتى. ولاردىڭ دەنى 1986 جىلدان بەرى باسپانا كەزەگىندە تۇرعان ازاماتتار. اتاپ ايتساق, 34 مىڭ كەزەكتە تۇرعان ازاماتتىڭ 11,1 مىڭى 2019 جىلى جاڭا قونىسقا قول جەتكىزدى, 13,8 مىڭى 2020 جىلى – ءوز ۇيلەرىن ساتىپ الدى, ال 2021 جىلدىڭ جەتى ايىندا جەرگىلىكتى اكىمدىكتەردىڭ كەزەگىندە تۇرعان تاعى 9,1 مىڭ ازاماتقا نەسيە بەرىلدى.
جىل سوڭىنا دەيىن وتباسى بانك «باقىتتى وتباسى», «نۇرلى جەر» جانە «شاڭىراق» پيلوتتىق جوباسى بويىنشا تاعى 12 مىڭعا جۋىق نەسيە بەرۋدى جوسپارلاپ وتىر. سوڭعىسىن ىسكە اسىرۋ ءۇشىن قازاقستان رەسپۋبليكاسىنىڭ ۇلتتىق بانكى وتباسى بانكىنە («بايتەرەك» حولدينگىنىڭ ەنشىلەس ۇيىمى) 210 ملرد تەڭگە ءبولدى. ونىڭ 131,3 ملرد تەڭگەسى قازىرگى ۋاقىتتا تۇرعىن ءۇي ساتىپ الۋ ماقساتىنا نەسيە تۇرىندە بەرىلگەن. اكىمدىكتەردىڭ كەزەگىندە تۇرعاندار «5-10-20» باعدارلاماسىنىڭ قولايلى شارتتارىمەن جەكە پاتەرلەر ساتىپ الدى, مۇندا 5% – نەسيە مولشەرلەمەسى, 10% – باستاپقى جارنا جانە 20 جىل – نەسيە مەرزىمى.
78,7 ملرد تەڭگە سوماسىنداعى قاراجات قالدىعى تۇرعىن ءۇي ىزدەپ جۇرگەن قاتىسۋشىلاردىڭ ماقۇلدانعان نەسيەلىك وتىنىمدەرى بويىنشا نەسيەلەندىرۋگە باعىتتالادى. جوبا بويىنشا 6 مىڭنان استام نەسيەلىك ءوتىنىم ماقۇلداندى. سونىمەن قاتار, باعدارلاما قاتىسۋشىلارى تۇرعىن ءۇيدى baspana.otbasybank.kz جىلجىمايتىن م ۇلىك پورتالىندا ۇسىنىلعان جەكە قۇرىلىس سالۋشىلاردان دا, جەرگىلىكتى اتقارۋشى ورگاندار سالعان تۇرعىن ۇيلەردەن دە تاڭداي الادى.
مەملەكەت جەرگىلىكتى اكىمدىكتەرگە الەۋمەتتىك تۇرعىن ءۇي قۇرىلىسىنا 180 ملرد تەڭگە كولەمىندە قارجى ءبولدى. بۇل ايماقتاردا, سونداي-اق نۇر-سۇلتان مەن الماتى قالالارىندا شارشى مەتر قۇنىنىڭ باعاسىن بەكىتىپ, باسپانا سالۋعا مۇمكىندىك بەردى.
بولىنگەن قاراجات تولىق كولەمدە يگەرىلگەنىنە بايلانىستى (ماقۇلدانعان نەسيەلىك وتىنىمدەردى ەسكەرە وتىرىپ), «وتباسى بانك» 2021 جىلدىڭ 9 قىركۇيەگىندە «شاڭىراق» جوباسى بويىنشا نەسيەلىك وتىنىمدەردى قابىلداۋدى توقتاتادى.
سونىمەن بىرگە, baspana.otbasybank.kz جىلجىمايتىن م ۇلىك پورتالىندا جەرگىلىكتى اتقارۋشى ورگانداردىڭ كەزەگىندە تۇرعان ازاماتتارعا ارنالعان «نۇرلى جەر» باعدارلاماسىنىڭ «نەسيەلىك تۇرعىن ءۇي» باعىتى بويىنشا ءوتىنىم قابىلداۋ جالعاسۋدا.
