«مەن «انالار ءۇيى» جوباسى تۋرالى ەستىگەندە, ونىڭ قانشالىقتى قاراپايىم جانە ءتيىمدى ەكەنىنە تاڭ قالدىم. بالالار ۇيىندە تاربيەلەنۋشىلەرگە سىيلىق بەرۋدىڭ قاجەتى جوق. كەرىسىنشە ولاردىڭ بالالار ۇيىنە تۇسپەۋىن قاداعالاۋ كەرەك. ال ايدىن راحىمباەۆ ءدال وسىلاي ىستەيدى. مەنىڭ ويىمشا, بۇل تەك قازاقستاندا عانا ەمەس, بۇرىنعى كەڭەس وداعىنىڭ بۇكىل اۋماعىندا تاراتىلاتىن تاماشا جوبا. مۇنداي جوبا رەسەيدە دە پايدا بولۋى كەرەك», دەيدى يگور رىباكوۆ.
ول ءوزىنىڭ جاس كەزىندە قازاقستانداعى قۇرىلىستا جۇمىس ىستەگەنىن مىسال ەتكەن. سول جۇمىسى ءۇشىن 1300 رۋبلدەن استام جالاقى الىپ وتىرعان. «مەن ەڭ العاش جۇمىس ىستەپ, قازاقستاندا اقشا تاپتىم, ەندى ونى قايتارىپ جاتىرمىن», دەيدى يگور رىباكوۆ.
يگور رىباكوۆ اقشانى اۋدارۋ تۋرالى شەشىمدى قازاقستاندىق ميلليونەر ايدىن راحىمباەۆپەن سۇحباتى كەزىندە قابىلدادى. Forbes Kazakhstan باسىلىمىنىڭ جازۋىنا قاراعاندا, يگورگە قازاقستاندىق بيزنەسمەندەردىڭ قايىرىمدىلىق جوبالارى ۇناپ قالعان.
