جۋىردا ارحيتەكتۋرا تۋرالى ArchDaily سايتى مەن Strelka ينستيتۋتى بىرىگىپ ArchDaily&Strelka Award 2021 اتالىمىنا داۋىس بەرۋ باستالعانىن حابارلادى. بايقاۋدىڭ ءۇش ءفيناليسى بەلگىلى بولدى. ولاردىڭ ىشىندە استانادا سالىنعان «اتىراۋ» كوپىرى دە بار.
بايقاۋعا سالىنعانىنا مەرزىمى 5 جىلدان اسپاعان جوبالار قاتىستى. ءبىرىنشى تۋر ناتيجەسى بويىنشا 15 جوبا بايقاۋدىڭ شورت-پاراقشاسىنا ىلىنگەن بولاتىن. قازاقستان اتىنان قاتىسقان جوبانىڭ اۆتورى – «ۋربانيستيكا ورتالىعىنىڭ» جەتەكشىسى, ۋربانيست, ساۋلەتشى - اسحات ءسادۋوۆ.
اتاپ وتەيىك, استانانىڭ 20 جىلدىق مەرەيتويىنا اتىراۋ وبلىسى ەلوردانىڭ وڭ جانە سول جاعالاۋلارىن جالعايتىن كوپىر سالىپ بەردى. BI Group كومپانياسى ونىڭ قۇرىلىسىن 181 كۇندە اياقتادى. نىساننىڭ جالپى ۇزىندىعى – 313,5 مەتر, ەنى – 10,5 مەتر.
