ازاماتتىق اۆياتسيا باسقارماسى سۇلتاندىققا اۋەجايلار ارقىلى كىرۋ شارتتارىن جاڭارتتى. ەندى ۆيزاسى بار نەمەسە وعان مۇقتاج ەمەس كەز كەلگەن ادام ەلگە ۆاكتسينانىڭ تولىق كۋرسىن اياقتاعانىن كورسەتەتىن QR-كودى بار قۇجاتتى ۇسىنا الادى. ەكىنشى دوزانى العان ساتتەن باستاپ كەم دەگەندە 14 كۇن ءوتۋى كەرەك. سونداي-اق, سەگىز نەمەسە ودان دا كوپ ساعات ۇشاتىندارعا ءتورت كۇننەن ەرتە ەمەس پتر-تەستىن تاپسىرۋ قاجەت بولادى.
ەلگە كەلگەن كەزدە دە تەست تاپسىرۋعا بولادى, تەك مۇندايدا ناتيجەسى شىققانشا ەلەكترون باقىلاۋ بىلەزىگىمەن كارانتيندە وتىرۋ كەرەك. ەگەر تەست وڭ بولسا, 10 كۇن وقشاۋلانۋ كەرەك. كوروناۆيرۋسپەن اۋىرىپ جازىلعاندار ساپارعا دەيىن كارانتيننەن وتكەنىن دالەلدەيتىن قۇجاتتار ۇسىنۋى كەرەك.
ساپار الدىندا ساياحاتشىلار تarassud+ پلاتفورماسىندا تىركەلىپ, ۆاكتسينا سەرتيفيكاتى مەن تەست ناتيجەلەرىن جۇكتەۋى كەرەك. 18 جاسقا دەيىنگى تۋريستەر مەن ۆاكتسيناتسيادان مەديتسينالىق رۇقساتى بار جولاۋشىلار انىقتامادان بوساتىلادى.
ايتا كەتەيىك, ماۋسىمدا ومان «سپۋتنيك V» ۆاكتسيناسىن شۇعىل قولدانۋدى ماقۇلدادى.
