شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, بۇگىن «102» جەدەل ارناسىنا قوڭىراۋ شالعان ايەل بالاسىنىڭ جوعالعانىن ايتتى.
ءوز سوزىندە ول ۆينوگرادوۆ كوشەسىندەگى جۇمىس ورنىنا الىپ كەلگەن قىزىنىڭ سىرتقا شىعىپ, ءىز-ءتۇزسىز كەتكەنىن جەتكىزگەن.
ء«تارتىپ ساقشىلارى جەدەل-ىزدەستىرۋ شارالارىنا كىرىستى. پاترۋلدىك پوليتسەيلەر نۇرجان ءىلياسوۆ پەن ۆياچەسلاۆ پيسياۋكوۆ كوپ ۇزاماي ءبۇلدىرشىندى تاپتى. انىقتالعانداي, بالاباقشا تاربيەشىسى اۋلادا جالعىز وتىرعان قىزدى بايقاپ قالىپ, ەرتىپ اكەتكەن. بالانىڭ اتا-اناسى تابىلعانشا ونى مەكتەپكە دەيىنگى مەكەمەدەگى ءوز توبىنا قوسا تۇرعان. بارلىق بالاباقشانى تەكسەرىپ شىققان پوليتسيا قىزمەتكەرلەرى جوعالعان بالانىڭ قايدا ەكەنىن انىقتادى», دەلىنگەن حابارلامادا.
ايەل ادام ءوز كەزەگىندە جىلدام ارەكەت ەتكەن قۇقىق قورعاۋ ورگانىنىڭ قىزمەتكەرلەرىنە ريزاشىلىعىن جەتكىزدى.
