لوندونداعى Botanic Gardens Conservation International (BGCI) قايىرىمدىلىق ۇيىمىنىڭ ەسەبىنە سەنسەك, ەمەن, ماگنوليا مەن تروپيكالىق اعاشتار جويىلۋدىڭ از-اق الدىندا تۇر.
مامانداردىڭ ايتۋىنشا, قازىر 17 500 اعاش ءتۇرىنىڭ جويىلىپ كەتۋ قاۋپى بار. بۇل كورسەتكىش سۇتقورەكتىلەردىڭ, قۇستاردىڭ, قوسمەكەندىلەر مەن باۋىرىمەن جورعالاۋشىلاردىڭ سانىنان ەكى ەسە كوپ.
سوندىقتان ولار ورمانداردىڭ جويىلۋى مەن كليماتتىڭ وزگەرۋى سياقتى قاۋىپ-قاتەرلەر كەزىندە اعاش تۇرلەرىن ساقتاپ قالۋ ءۇشىن شۇعىل شارالار قولدانۋعا شاقىرادى.
«بىزدە پلانەتادا 60 000-عا جۋىق اعاش ءتۇرى بار جانە ءبىز ولاردىڭ قايسىسى ادامزاتتىڭ قامقورلىعىنا مۇقتاج ەكەنىن, ولار ءۇشىن ەڭ ۇلكەن قاۋىپ نە ەكەنىن جانە قايدا ورنالاسقانىن العاش رەت ءبىلىپ وتىرمىز», دەيدى BGCI دوكتورى مالين ريۆەرس.
