شقو شارۋا قوجالىقتارى ەلوردا تۇرعىندارىنا جوعارى ساپالى اۋىل شارۋاشىلىعى ءوندىرىسىنىڭ ەكولوگيالىق تازا ونىمدەرىن ۇسىنادى. جارمەڭكەگە ءوڭىردىڭ 15 اۋدانىنان جانە ەكى قالاسىنان وندىرۋشىلەر قاتىسادى.
جالپى سوماسى 356,2 ملن. تەڭگەگە كولەمى 225,2 توننا ءونىمنىڭ 28 اتاۋىن ساتۋ جوسپارلانىپ وتىر.
شىعىس قازاقستان وبلىسىنان ەلورداعا 40 توننا بال, 2 توننا شۇجىق ونىمدەرى, 8 توننا ءسۇت ونىمدەرى, 13 توننا وسىمدىك مايى, 3 توننا جارما, 5 توننا بالىق, 45 توننا جىلقى ەتى, 10 توننا قىمىز, ۇلتتىق بۇيىمدار مەن پانتوونىمدەر, 150 توننا كوكونىس ونىمدەرى مەن كارتوپ جانە ت. ب. جەتكىزىلەدى.
ەستەرىڭىزگە سالا كەتەيىك, جارمەڭكە 4 جانە 5 قىركۇيەكتە ساعات 9:00-دەن 18:00-گە دەيىن جۇمىس ىستەيدى. باعالار ءداستۇرلى تۇردە نارىقتىق باعادان 10-20% تومەن بولادى.
بارلىق ونىمدەر سانيتارلىق-ۆەتەرينارلىق تالاپتارعا سايكەس كەلەدى, ساتۋشىلاردا تاۋارلاردىڭ شىعۋ تەگىن, ساپاسى مەن قاۋىپسىزدىگىن راستايتىن قۇجاتتار بولادى.
جارمەڭكە سانيتارلىق نورمالاردى قاتاڭ ساقتاي وتىرىپ وتكىزىلەدى. كەلۋشىلەر ماسكا رەجيمىن, الەۋمەتتىك قاشىقتىقتى جانە قول گيگيەناسىن ساقتاۋى كەرەك.
