سوچيدە وتەتىن قىسقى وليمپيالىق ويىندار كەزىندە قازاقستاننىڭ 2017 جىلى بولاتىن EXPO حالىقارالىق كورمەسى مەن 2022 جىلى الماتىدا ءوتۋى مۇمكىن كەلەسى قىسقى وليمپياداعا دايىندىعى تۋرالى تانىستىرىلىمى جاسالادى.
سوچيدە وتەتىن قىسقى وليمپيالىق ويىندار كەزىندە قازاقستاننىڭ 2017 جىلى بولاتىن EXPO حالىقارالىق كورمەسى مەن 2022 جىلى الماتىدا ءوتۋى مۇمكىن كەلەسى قىسقى وليمپياداعا دايىندىعى تۋرالى تانىستىرىلىمى جاسالادى.
سپورت جانە دەنەشىنىقتىرۋ ىستەرى اگەنتتىگى ءباسپاسوز قىزمەتىنىڭ حابارلاۋىنشا, تانىستىرىلىم فيلمدەرى سوچيدەگى قازاقستاننىڭ ءباسپاسوز ورتالىعىندا كورسەتىلەدى. اگەنتتىك قازىردەن باستاپ وسى شاراعا دايىندىق جۇمىستارىن جۇرگىزۋدە. «2017 جىلى استانادا EXPO حالىقارالىق كورمەسىنىڭ وتەتىنىن بىلەسىزدەر. بيىل كوكتەمدە كورمە وتەتىن جەردە قۇرىلىس باستالادى. قازىر كورمەنىڭ جوباسى دايىن. وسى جوبانى وليمپيادا كەزىندە شەتەلدىكتەرگە تاعى دا تانىستىرۋدى ءجون كورىپ وتىرمىز. ال 2022 جىلعى قىسقى وليمپياداعا كەلسەك, ازىرشە ول قاي ەلدىڭ قالاسىندا وتەتىنى بەلگىسىز. الايدا, قولدا بار مالىمەتتەرگە قاراعاندا, وسى كۇندەرى الماتى ەڭ باستى ۇمىتكەر قالالاردىڭ ءبىرى رەتىندە ءجيى اتالىپ ءجۇر. ءبىزدىڭ ەل ءتورت جىلدا ءبىر كەلەتىن وليمپيادانى قابىلداۋعا ءۇمىتتى. ءبىز سوچيدە وسى دودانى وتكىزۋگە مۇمكىندىگىمىز بار ەكەنىن كورسەتكىمىز كەلەدى», دەيدى اگەنتتىك ءباسپاسوز قىزمەتىنىڭ جەتەكشىسى باقىتبەك حاميت.
داستان كەنجالين,
«ەگەمەن قازاقستان».
