ءمينيستردىڭ ايتۋىنشا, جەكەشەلەندىرۋ جوسپارىن ىسكە اسىرۋ بويىنشا مينيسترلىك جەكەشەلەندىرۋدىڭ 2021-2025 جىلدارعا ارنالعان كەشەندى جوسپارىنىڭ ۋاقىتىلى ورىندالۋىنا باقىلاۋدى كۇشەيتكەن. ول ءۇشىن نىسانداردى وتكىزۋ تاسىلدەرى ازىرلەنگەن.
«نىسانداردىڭ 50%-ى وسى جىلى, 30%-ى 2022 جىلى جانە 10%-ى 2023-2024 جىلدارى ساتۋعا قويىلادى. وعان قوسا ءاربىر نىسان بويىنشا وتكىزۋدىڭ «جول كارتاسى» ازىرلەندى جانە مەملەكەتتىك م ۇلىك تىزىمىنە ەنگىزىلدى. ءوز كەزەگىندە جەكەشەلەندىرۋ جورسپارىنىڭ ىسكە اسىرىلۋىنا جاۋاپكەرشىلىكتى كۇشەيتۋ ماقساتىندا اكىمدىكتەردىڭ ۇلتتىق باسقارۋشى حولدينگتەر مەن كومپانيالاردىڭ قىزمەتىن باعالاۋ كەزىندە ونىڭ ورىندالۋىن ەسكەرۋ ۇسىنىلادى. جالپى ۇسىنىلىپ وتىرعان شارالار 2025 جىلدىڭ سوڭىنا قاراي مەملەكەتتىك ەكونوميكاعا قاتىسۋ ۇلەسىن ءجىو-ءنىڭ 14%-نا دەيىن قىسقارتۋعا مۇمكىندىك بەرەدى», دەدى مينيستر.
سونىمەن قاتار ول مەملەكەتتىك قارجىنى باسقارۋ تۇجىرىمداماسىنا قاتىستى مينيسترلىك تاراپىنان ءتيىستى ۇسىنىستار دايىندالىپ جاتقانىن ايتتى. ولاردىڭ نەگىزگىلەرى مەملەكەتتىك بورىشتىڭ ءوسۋىن شەكتەۋ جانە ونى قاۋىپسىز دەڭگەيدە ۇستاپ تۇرۋ ءۇشىن بيۋدجەت قاراجاتىن كەزەڭ-كەزەڭىمەن تومەندەتۋ. بورىش تۇراقتىلىعىنىڭ نەگىزگى كورسەتكىشتەرىن بەلگىلەۋ. بارىنشا ەكونوميكالىق تيىمدىلككە قول جەتكىزۋ ءۇشىن جوبالاردى ەگجەي-تەگجەيلى ىرىكتەۋ جانە تاعى باسقالارى.
مينيستر سونداي-اق كۆازيمەملەكەتتىك سەكتور كومپانيالارىنىڭ ءبىرىنشى باسشىلارىنىڭ جاۋاپكەرشىلىگىن نورماتيۆتىك تۇرعىدان قاراستىرۋ ۇسىنىلعانىن جەتكىزدى.
«جاۋاپكەرشىلىك دامۋ جوسپارلارىندا ستارتەگيالىق كورسەتكىشتەرگە قول جەتكىزبەگەنى ءۇشىن, ونىڭ ىشىندە كۆازيمەملەكەتتىك كومپانيالاردىڭ شىعىنعا ۇشىراۋىنا جول بەرگەنى ءۇشىن كوزدەلەتىن بولادى», دەدى ەرۇلان جاماۋباەۆ.
