بۇل تۋرالى ۋكراينا باسشىسى كەڭسەسىنىڭ ءباسپاسوز قىزمەتى تاراتقان حابارلامادا ايتىلعان.
كەلىسسوزدەر الدىندا مەملەكەت باسشىلارى بۇقارالىق اقپارات قۇرالدارىنا قىسقاشا مالىمدەمە جاسادى. وسىدان كەيىن كەلىسسوزدەر كەڭەيتىلگەن فورماتتا وتەدى.
«ەڭ الدىمەن, شاقىرعانىڭىز ءۇشىن العىس ايتقىم كەلەدى. الەم ءۇشىن قيىن ساتتە ءسىز ءبىزدىڭ ماڭىزدى كەزدەسۋىمىزگە ۋاقىت تاپتىڭىز. بۇل ءبىزدىڭ ناعىز ستراتەگيالىق سەرىكتەس ەكەنىمىزدى كورسەتەدى. ەگەمەندىگىمىزدى, اۋماقتىق تۇتاستىعىمىزدى قولداعانىڭىز ءۇشىن راحمەت. بۇل ءبىز ءۇشىن وتە ماڭىزدى», دەدى ۋكراينا مەملەكەتىنىڭ باسشىسى كەزدەسۋ باسىندا.
ونىڭ ايتۋىنشا, ەنەرگيا قاۋىپسىزدىگى - وتە ماڭىزدى ماسەلە. اتاپ ايتقاندا, ۆلاديمير زەلەنسكي دجوردج بايدەنمەن «سولتۇستىك اعىن 2» جوباسىن ىسكە اسىرۋعا بايلانىستى ۋكراينا مەن ەۋروپانىڭ ەنەرگەتيكالىق قاۋىپسىزدىگىن تالقىلاۋدى جوسپارلاپ وتىر.
ۋكراينانىڭ مەملەكەت باسشىسى سونىمەن قاتار اقش پرەزيدەنتىمەن ۋكراينانىڭ ناتو-داعى ءرولى تۋرالى كوزقاراستى جانە ەلدىڭ اليانسقا كىرۋ مەرزىمىن تالقىلاۋدى كوزدەيدى.
دجوزەف بايدەن ۋكراينا پرەزيدەنتىن اق ۇيدە كورگەنىنە قۋانىشتى ەكەنىن اتاپ ءوتتى. ول ۋكراينا تاۋەلسىزدىگىنىڭ 30 جىلدىعىن مەرەكەلەۋ كەزىندە مەملەكەتتەر اراسىنداعى ارىپتەستىك بۇرىنعىدان دا مىقتى ەكەنىن جانە تەك ودان ءارى نىعايا بەرەتىنىن جەتكىزدى.
