«2020 جىلى ءۇش جىلعا ەنگىزىلگەن تەكسەرۋلەرگە موراتوري كاسسالىق ءتارتىپتى تومەندەتتى. جوسىقسىز كاسىپكەرلەر بۇل باستامانى سالىقتان جازاسىز جالتارۋ مۇمكىندىگى رەتىندە قابىلدادى. وسىعان بايلانىستى ميكرو جانە شاعىن بيزنەس سۋبەكتىلەرىن تەكسەرۋگە ءموراتوريدى الىپ تاستاۋ ماسەلەسىن قاراستىرۋدى ۇسىنامىز», دەدى جاماۋباەۆ ۇكىمەت وتىرىسىندا.
ءمينيستردىڭ ايتۋىنشا, بۇل مەملەكەتتىك بيۋدجەت كىرىستەرىنىڭ ۇلعايۋىن قامتاماسىز ەتۋگە مۇمكىندىك بەرەدى.
سونداي-اق ول حالىقارالىق تاجىريبەنى ەسكەرە وتىرىپ, قارجى مينيسترلىگى قاشىقتىقتان ءوزارا ءىس-قيمىلعا نەگىزدەلگەن ءىرى بيزنەستىڭ كولدەنەڭ مونيتورينگى بويىنشا جوبانى باستاعانىن ايتتى.
كاپيتالدى شەتەلگە شىعارۋعا جانە ەكونوميكانى دەوفشورلاۋعا قارسى ءىس-قيمىل بويىنشا دا كەشەندى جۇمىس ءجۇرىپ جاتقانى ايتىلدى.
ەسكە سالايىق, 2019 جىلدىڭ جەلتوقسانىندا پرەزيدەنت قاسىم-جومارت توقاەۆ شاعىن كاسىپكەرلىك سۋبەكتىلەرىن, سونىڭ ىشىندە ميكروكاسىپكەرلىك سۋبەكتىلەردى تەكسەرۋ مەن پروفيلاكتيكالىق باقىلاۋ مەن قاداعالاۋعا موراتوري ەنگىزۋ تۋرالى جارلىققا قول قويعان بولاتىن.
