«ەسەت باتىر مەن ش.قالداياقوۆ كوشەلەرىنىڭ قيىلىسىنان اباي داڭعىلىنا دەيىنگى الاڭدا ورنالاسقان كوپقاباتتى ۇيلەردىڭ بارلىق اۋلالارىندا جوندەۋ جۇمىستارىن جۇرگىزەمىز. سونداي-اق, 8-شاعىن اۋداندا دا نىساندار بار. التى اۋلانى اياقتاپ قالدىق. پيك-ءتىڭ, تۇرعىنداردىڭ قالاۋىن ءبىلۋ ءۇشىن الدىن الا, جۇمىس باستالعانعا دەيىن ولارمەن كەڭەسەمىز. ءبىر جەرىن كەڭەيتۋدى, ءبىر جەرىن الىپ تاستاۋدى سۇراپ جاتادى. سونىڭ ءبارىن ەسكەرىپ, تاپسىرىس بەرۋشىمەن كەلىسەمىز. تۇرعىندار تاراپىنان ەشقانداي نارازىلىق بولعان جوق, كەرىسىنشە ولار ريزاشىلىقتارىن بىلدىرەدى», دەيدى «اقتوبە ادال قۇرىلىس» جشس ديرەكتورى احمەتبەك سۇلەيمەنوۆ.
اباتتاندىرۋ كەزىندە اۋلا-
لاردىڭ اسفالتبەتون جابىندىلارى الماستىرىلىپ, اۋلاعا كىرەتىن جولدارعا اسفالت توسەلىپ, كولىك تۇراتىن اۋماق جاسالادى.
«وتكەندە سىزدەر مۇندا بولعانسىزدار, بالالار الاڭى, اسفالت بولادى دەپ ۋادە بەرگەن ەدىڭىزدەر. ءبىر ايعا جەتپەي ۋادە ورىندالدى. تۇرعىندار ريزا. سوزىڭىزگە سەنۋگە بولادى ەكەن. راحمەت!», دەدى اۋلاسى جوندەلگەن تۇرعىنداردىڭ ءبىرى العىسىن ايتىپ.
ال وبلىس اكىمى جاڭارتىلعان كەڭىستىككە ۇقىپتى قاراپ, اۋلا مەن ءۇيدىڭ كىرە بەرىسىن تازا ۇستاۋعا شاقىردى.
11-شاعىن اۋداندا جوندەلىپ جاتقان اۋلالاردىڭ ءبىرىنىڭ تۇرعىندارى بالالار الاڭىن ورناتۋدى سۇرادى, و.ورازالين وتىنىشتەرى بيىل ورىندالاتىنىنا سەندىردى. وسى جىلى قالاداعى كوپ-
قاباتتى ۇيلەردىڭ اۋلالارىندا بارلىعى 67 بالالار ويىن الاڭى ورناتىلماق. قالانى قىزمەت بابىمەن ارالاۋ اۋە قالاشىعى شاعىن اۋدانىنداعى «اق جەلكەن» اۋلا كلۋبىندا جالعاستى. مۇندا بالالار بيمەن, راديوتەحنيكامەن اينالىسىپ, مۋزىكالىق اسپاپتا ويناي الادى, 3D مودەلدەۋدى جانە ت.ب. ۇيرەنەدى.
اۋلا كلۋبى اشىلىسىمەن اۋە قالاشىعىنىڭ, سونىمەن قاتار سوعان جاقىن جاتقان اۋدانداردىڭ تۇرعىندارى بالالارىن ءۇيدىڭ قاسىنداعى ۇيىرمەلەرگە اپارا الاتىن بولادى.
ء«اربىر اتا-انا بالاسىنىڭ جان-جاقتى دامىعانىن قالايدى. دەگەنمەن بالانى قالانىڭ باسقا بولىگىندەگى ۇيىرمەلەر مەن سەكتسيالارعا اپارۋ قولايسىز. ءبىز مۇنى تۇسىنەمىز. سوندىقتان قالا تۇرعىندارىنا ىڭعايلى بولۋ ءۇشىن قوسىمشا ءبىلىم بەرۋ جۇيەسىن مۇمكىندىگىنشە بۇكىل قالا بويىنشا ورنالاستىرۋ مىندەتىن قويدىق. وسىنداي مىندەتتى نۇر-اقتوبەگە دە قويىپ وتىرمىز, ول جاقتا جاڭا عيمارات سالىناتىن بولادى. ال بۇل جەردە عيماراتىن قايتارىمسىز بەرىپ وتىرعان اۋەجايعا العىس ايتۋ كەرەك. ءبىز سونى جوندەپ, اۋلا كلۋبىنا لايىقتادىق», دەدى اۋە قالاشىعى تۇرعىندارىنا وبلىس اكىمى.
ول سونداي-اق, جارىق ۇيلەردى جوندەۋ, قاسبەتىن سىرلاۋ جانە ت.ب. سىندى اۋە قالاشىعىن اباتتاندىرۋ جۇمىستارى باس-
تالاتىنىن جەتكىزدى. «اۋلا كلۋبىنىڭ اشىلعانىنا شەكسىز ريزامىز, بىزگە وسىنداي ورىن راسىمەن قاجەت بولاتىن. ەندى ءبىز بالالارىمىزدى پايدالى ىسپەن شۇعىلداندىرا الامىز. اۋدانىمىزعا اباتتاندىرۋ جۇمىستارى دا كەرەك. تەك قالانىڭ ورتالىعىنا عانا كوڭىل ءبولىنىپ جاتپاعانى سۇيسىندىرەدى», دەدى اۋە قالاشىعى تۇرعىنى اننا پەتروۆنا.
وبلىس اكىمى جۇمىس ساپارىنىڭ سوڭىندا اقتوبە قالاسىنداعى اۋەجايدىڭ بۇرىنعى قوناقۇي عيماراتىنىڭ جوندەۋ جۇمىستارىمەن تانىستى. نىسان اقتوبە وبلىسىنىڭ قورعانىس ىستەرى جونىندەگى دەپارتامەنتىنە اسكەرگە شاقىرۋشىلار بەكەتىن ۇيىمداستىرۋ ءۇشىن بەرىلگەن.
«ەگەمەن-اقپارات»
