دەنساۋلىق ساقتاۋ مەن ءبىلىم سالالارىنا ەرەكشە كوڭىل ءبولىندى. قاسىم-جومارت توقاەۆ ناقتى باستامالاردى اتاپ ءوتتى. ولاردى ىسكە اسىرۋ حالىقتىڭ ءال-اۋقاتىن جاقسارتۋعا مۇمكىندىك بەرەدى.
ەڭ تومەنگى جالاقىنى كوتەرۋ تۇرمىسى تومەن توپتىڭ ءال-اۋقاتىنا وڭتايلى اسەر ەتەدى. ءتورت جىل ىشىندە ازاماتتىق قىزمەتشىلەردىڭ ەڭبەكاقىسىن 20 پايىزعا ارتتىرۋ – 600 مىڭ قازاقستاندىقتىڭ تۇرمىس دەڭگەيى كوتەرىلەدى دەگەن ءسوز. زەينەتاقى جيناعىنىڭ ءبىر بولىگىن «وتباسى بانك» شوتىنا اۋدارۋ تۇرعىن ءۇي ساتىپ الۋ ءىسىن وڭتايلاندىرادى.
پرەزيدەنت قاسىم-جومارت توقاەۆ ساياسي رەفورمالاردىڭ ءتورتىنشى پاكەتىن ۇسىندى. بۇرىن تەك پارتيالىق تىزىمدەرگە قاتىستى قولدانىلاتىن دەپۋتاتتىق مانداتتاردى بولگەندە, ايەلدەر مەن جاستار ءۇشىن 30 پايىزدىق كۆوتانى زاڭنامالىق تۇرعىدان بەكىتۋ مىندەتى قويىلدى.
مەملەكەت باسشىسى, سونداي-اق, كۆوتاعا مۇمكىندىگى شەكتەۋلى ادامداردى ەنگىزۋدى ۇسىندى. بالالارعا قاتىستى جىنىستىق قىلمىستارعا قارسى ءىس-قيمىلدى كۇشەيتۋگە نازار اۋدارۋدى تاپسىردى.
ءلاززات قوجاحمەتوۆا,
ۇلتتىق قوعامدىق سەنىم كەڭەسىنىڭ مۇشەسى
