اتاپ ايتقاندا, دەپۋتاتتىق مانداتتاردى ءبولۋ كەزىندە ايەلدەر مەن جاستارعا بەرىلەتىن 30 پايىزدىق كۆوتانى مىندەتتى تۇردە ۇستانۋ تۋرالى نورمانى زاڭ جۇزىندە بەكىتۋ مىندەتى قويىلدى. بۇل نورما بۇرىن تەك پارتيالىق تىزىمگە عانا قاتىستى ەدى. ەندى اتالعان كۆوتا دەپۋتاتتىق مانداتتى ءبولۋ كەزىندە دە ساقتالاتىن بولادى.
سونىمەن بىرگە مەملەكەت باسشىسى پارتيالاردىڭ سايلاۋ تىزىمىندە كۆوتا بەرىلەتىن ازاماتتاردىڭ ساناتىن كەڭەيتۋدى ۇسىندى. كۆوتاعا مۇمكىندىگى شەكتەۋلى ازاماتتاردى دا قوسۋ قاجەتتىگىن ايتتى.
سونداي-اق پرەزيدەنت اۋىلدىق جەردەگى ازاماتتىق باستامالاردى قولداۋدىڭ ءتيىمدى تەتىكتەرىن ازىرلەۋدى, ايەلدەردىڭ قوعامداعى ەكونوميكالىق جانە ساياسي ءرولىن بارىنشا قولداۋدى قامتاماسىز ەتۋدى تاپسىردى.
ادام قۇقىعىن قورعاۋ ماسەلەلەرىن دە پرەزيدەنت جەكە باسىمدىق رەتىندە بولەك اتاپ ءوتتى. مەملەكەت بۇل باعىتتاعى جۇمىسىندا قىلمىستىق پروتسەستى ودان ءارى جەتىلدىرۋگە, پوليتسيانىڭ سەرۆيستىك مودەلىنىڭ اۋقىمىن كەڭەيتۋگە, قۇقىق قورعاۋشىلاردىڭ قۇقىعىن قورعاۋعا, بالالارعا قارسى جىنىستىق قىلمىستاردىڭ الدىن الۋعا جانە جولىن كەسۋگە, سينتەتيكالىق ەسىرتكىنىڭ تارالۋىنا توسقاۋىل قويۋعا باسا نازار اۋدارۋى كەرەك.
پرەزيدەنت ءوزىنىڭ جولداۋىندا ايتقان بارلىق باستامانى جانە ستراتەگيالىق مىندەتتى جۇزەگە اسىرۋ ءۇشىن مەملەكەتتىك اپپارات پەن قوعام بىرلەسە جۇمىلۋى قاجەت ەكەنىن اتاپ ءوتتى. سوندىقتان قوعامدىق ديالوگ بارلىق دەڭگەيدە ءوربيتىن بولادى.
ەرلان قارين,
قازاقستان رەسپۋبليكاسى پرەزيدەنتىنىڭ كومەكشىسى
