نۇر-سۇلتان پوليتسياسى 1 قىركۇيەك قارساڭىندا تەگىن گۇل تاراتقان دۇكەن يەسىنە قاتىستى ماتەريال جيناقتاپ جاتىر.
31 تامىزدا ساعات 17.23-تە "بايقوڭىر" اۋدانىنداعى پوليتسيا باسقارماسىنىڭ ۋچاسكەلىك ينسپەكتورىنا استانا تۇرعىنىنان سەيفۋللين كوشەسىندەگى گۇل دۇكەنىنىڭ جانىندا 100-گە جۋىق ادام جينالعانى تۋرالى حابارلاما تۇسكەن.
"دۇكەن يەسى Instagram ارقىلى "1 قىركۇيەككە وراي 300 گۇل شوعى تەگىن" اكتسياسىن جاريالاعانى انىقتالدى. ول بۇل شارا ادامداردىڭ ءبىر جەرگە كوپتەپ شوعىرلانۋىنا سەبەپ بولاتىنىن ەسەپكە الماعان", دەدى پوليتسيا.
دۇكەن يەسىن جاۋاپكەرشىلىككە تارتۋ ءۇشىن جيناقتالعان ماتەريال سانيتارلىق-ەپيدەميولوگيالىق باقىلاۋ باسقارماسىنا جولداندى.
