قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ قازاقستان حالقىنا ارناعان ءار جىلعى جولداۋى – تاۋەلسىز ەلىمىزدىڭ تاريحىنداعى ءبىر-ءبىر كەزەڭ. ۇزاق پەرسپەكتيۆاعا بەلگىلەنگەن مىندەتتەردى ءبىر-بىرىنەن اجىراتىپ الىپ قاراۋعا بولمايدى. ويتكەنى, العا قويىلعان مەجەلەر ءبىر-بىرىمەن تىعىز بايلانىستى, جىل سايىن ۇدەي جالعاسىپ, حالقىمىزدى جاڭا بەلەستەرگە جەتەكتەپ كەلەدى. ەڭ باستىسى, وندا بولاشاقتى باعدارلاعان ناقتى ماقساتتار كورىنىس تاپقان. ادام بالاسىنىڭ العا ۇمتىلىپ, بۇگىنگىدەن ەرتەڭ باقىتتىراق بولعىسى كەلەتىنى تابيعي زاڭدىلىق.
قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ قازاقستان حالقىنا ارناعان ءار جىلعى جولداۋى – تاۋەلسىز ەلىمىزدىڭ تاريحىنداعى ءبىر-ءبىر كەزەڭ. ۇزاق پەرسپەكتيۆاعا بەلگىلەنگەن مىندەتتەردى ءبىر-بىرىنەن اجىراتىپ الىپ قاراۋعا بولمايدى. ويتكەنى, العا قويىلعان مەجەلەر ءبىر-بىرىمەن تىعىز بايلانىستى, جىل سايىن ۇدەي جالعاسىپ, حالقىمىزدى جاڭا بەلەستەرگە جەتەكتەپ كەلەدى. ەڭ باستىسى, وندا بولاشاقتى باعدارلاعان ناقتى ماقساتتار كورىنىس تاپقان. ادام بالاسىنىڭ العا ۇمتىلىپ, بۇگىنگىدەن ەرتەڭ باقىتتىراق بولعىسى كەلەتىنى تابيعي زاڭدىلىق.
ءبىز, بۇقارالىق اقپارات تاراتۋشىلار, ەل ىشىندە كوپ بولامىز, ولاردىڭ تالاپ-تىلەگىن بىلەمىز. كورەرمەندەرىمىز بەن تىڭدارماندارىمىزدىڭ وسى جولداۋدى قالاي اسىعا كۇتكەنىن كوزىمىزبەن كورىپ وتىرمىز. وسى تۇرعىدان قاراعاندا, مەنى جولداۋدىڭ, اسىرەسە, وتانداستارىمىزدىڭ الەۋمەتتىك احۋالى جاقسارۋىنا قاتىستى اقپارات قاتتى تولقىتتى ءارى قۋانتتى دا. ەڭ باستىسى, ءارينە, جالاقى دەڭگەيىنىڭ ءوسىمى. مەملەكەت باسشىسى ەكى قولعا جۇمىس تابا الماي جۇرگەندەرگە نازار اۋدارۋدى ۇسىندى. بۇل تۇرعىدا جۇرگىزىلىپ جاتقان شارالار ەندى مۇلدە جاڭا سەرپىنمەن دامىتىلۋعا ءتيىس. اسىرەسە, مۇگەدەكتەر, ءجاردەماقىعا ءومىر ءسۇرىپ كەلە جاتقان جانە وزگە دە جاندارعا قولىنان كەلەتىن جۇمىس تاۋىپ بەرۋ قاجەتتىگىنە پرەزيدەنت اتاپ توقتالدى. ال بۇقارالىق اقپارات قۇرالدارىنداعى مالىمەتتەرگە قاراعاندا, ولاردىڭ سانى 600 مىڭعا جەتىپ وتىر. بۇل وتە ورىندى ۇسىنىس دەپ سانايمىن. سوندا عانا قورعانسىز قالعان جاندارعا لايىقتى جاعداي جاساي الامىز.
قازىر ەلىمىزدىڭ پارلامەنتى «جاستار ساياساتى تۋرالى» زاڭ جوباسىن قاراپ جاتىر. دەپۋتاتتاردىڭ ەل ايماقتارىنا شىعىپ, حالىقپەن كەزدەسۋلەرىندە سايلاۋشىلار جاستارعا قولداۋ-كومەك كورسەتۋ جايىن ءجيى ايتاتىن. ەندى, مىنە, وعان دا قول جەتكىزىلۋدە. 2016 جىلدان باستاپ ستۋدەنتتەردىڭ ستيپەنديالارى 25 پايىزعا وسىرىلەتىن بولدى.
ءبىراز جىلدان بەرى جالاقى دەڭگەيى وسپەگەنى, تيىسىنشە, ينفلياتسيا قارقىن الىپ بارا جاتقانى – شىندىق ەدى. جولداۋدى زەرتتەي وقىپ وتىرساڭىز, ەندىگى جەردە جالاقىنى ءوسىرۋ ينفلياتسيانىڭ ورنىن جاۋىپ قانا قويماي, ازاماتتاردىڭ ەركىن تىنىس الۋىنا ءمۇمكىندىك بەرمەك. پرەزيدەنتتىڭ سوزىنەن ەستىگەنىمىزدەي, قازىرگى كەزدە ەل تۇرعىندارىنىڭ 97 پايىزى الەۋمەتتىك احۋالدىڭ تۇراقتىلىعىن جانە ونىڭ جىل وتكەن سايىن جاقسارا تۇسكەندىگىن اتاپ وتكەن.
جولداۋدا ەل تۇرعىندارىنىڭ الەۋمەتتىك-تۇرمىستىق جاعدايىن ايتارلىقتاي ارتتىرۋعا بايلانىستى مەملەكەتتىك ورگاندار مەن «نۇر وتان» پارتياسىنا زور جاۋاپكەرشىلىك جۇكتەلدى. بۇقارا حالىقتىڭ كوپتەگەن تۇيتكىلدى ءماسەلەلەرىن شەشۋدە بەلسەندى ارەكەت ەتىپ كەلە جاتقان ءبىزدىڭ پارتيامىزدىڭ دا ۇلەسى كوپ. كورىپ جۇرگەنىمىزدەي, قابىلداۋ بولمەلەرى ارقىلى نەمەسە كەزدەسۋلەردە قاراپايىم تۇرعىنداردىڭ مۇڭ-مۇقتاجىن جان-جاقتى قاراپ, ءتيىستى مەملەكەتتىك ورگاندارعا ۇسىنىستار ازىرلەۋمەن قاتار, ولاردىڭ ناقتى شەشىمىنىڭ بولۋى دا ءجىتى قاداعالانادى.
وسى تۇرعىدان كەلگەندە, «قازاقستان-2050» ستراتەگياسى بۇل ەلدىگىمىزدىڭ ونجىلدىقتارعا باعىتىن ايقىنداپ بەرگەن ماڭىزدى قۇجات بولۋىمەن قاتار, جاقىن جىلدارعا نە ىستەۋ كەرەك دەگەن مىندەتتەردى موينىمىزعا جۇكتەپ وتىر. ءبىز بۇقارالىق اقپارات قۇرالدارىنىڭ جۇمىسىن جولداۋ قاعيدالارىنا قاراي قايتا قۇرىپ, ءتۇسىندىرۋ, ناسيحات شارالارىن ناقتى مىسالدارمەن, ادامدار ورتاسىندا بولىپ, ءاربىر قازاقستاندىقتىڭ ءمۇددەسى تۇرعىسىندا جۇرگىزۋگە ءتيىسپىز. بۇعان مۇمكىندىك تولىق, جۋرناليستىك تاجىريبەمىز دە جەتكىلىكتى. وسى ورايدا, شالعايداعى اۋدانداردىڭ, قيىردا جاتقان شاعىن ەلدى مەكەندەردىڭ تىنىس-تىرشىلىگىن زەرتتەپ, ولاردىڭ وي-ارمانىن ورتاعا سالىپ وتىرۋ ءبىز سياقتى وبلىس جۋرناليستەرىنىڭ بورىشى ەكەنىن جاقسى تۇسىنەمىز.
مەملەكەت باسشىسىنىڭ بيىلعى جولداۋى «قازاقستان-2050» ستراتەگياسىنان تۋىندايتىن مىندەتتەردىڭ اربىرەۋى قوعامدىق ءومىردىڭ بارلىق سالاسىنداعى ءاربىر سانالى ازاماتتىڭ كۇندەلىكتى قىزمەتى مەن تىرشىلىگىنە تىكەلەي قاتىستى. اسىرەسە, قوعامدى الاڭداتىپ كەلگەن قازاق ءتىلىنىڭ ماسەلەسىنە ەكپىن بەرۋى وتە ورىندى بولدى دەپ ويلايمىن. پرەزيدەنتىمىزدىڭ سالتاناتتى تۇردە ءمالىمدەگەن مىنا سوزدەرى مەنىڭ زامانداستارىمنىڭ ارقايسىنىڭ جۇرەگىن تەبىرەنتكەنىنە كامىلمىن. «ەندى ەشكىم وزگەرتە المايتىن ءبىر اقيقات بار! انا ءتىلىمىز ماڭگىلىك ەلىمىزبەن بىرگە ماڭگىلىك ءتىل بولدى, – دەدى ەلباسىمىز. – بۇل ءماسەلەنى داۋدىڭ تاقىرىبى ەمەس, ۇلتتىڭ ۇيىتقىسى ەتە بىلگەنىمىز ءجون». انا ءتىلىمىزدىڭ بولاشاعى جارقىن بولارىنا دەگەن نىق سەنىم وسىنداي-اق بولار!
ەرلان توقشىلىق,
«قازاقستان-پەتروپاۆل» وبلىستىق
تەلەارناسىنىڭ ديرەكتورى, پەتروپاۆل
قالالىق ءماسليحاتىنىڭ دەپۋتاتى.
