«اۋعانستانداعى جاعداي, جاھاندىق شيەلەنىستىڭ جالپى ءوسۋى قورعانىس ونەركاسىبى كەشەنى مەن اسكەري دوكترينانى قايتا جۇكتەۋ مىندەتىن قويىپ وتىر. قورعانىس قابىلەتىن نىعايتۋ, جەدەلدىكتى ارتتىرۋ, قاۋىپ-قاتەرلەرگە دەن قويۋ دا مەملەكەتتىك ماڭىزى بار باسىمدىقتارعا اينالۋى ءتيىس», دەپ مالىمدەدى مەملەكەت باسشىسى كەزەكتى جولداۋىندا.
ونىڭ ايتۋىنشا, سىرتقى كۇيزەلىستەرگە جانە وقيعالار دامۋىنىڭ ەڭ ناشار نۇسقاسىنا دايىن بولۋ كەرەك.
مەملەكەت باسشىسى سىرتتان كەلەتىن تاۋەكەلدەردى مودەلدەۋ ەڭ وزەكتى بولىپ وتىرعانىن ايتتى.
«سترەسس-تەستتەر جۇرگىزىپ, كەز كەلگەن ستسەناريلەردى پىسىقتاعان ءجون, سونىڭ نەگىزىندە مەملەكەتتىك اپپاراتتىڭ ءىس-قيمىل جوسپارلارى ازىرلەنىپ, تۇزەتىلەتىن بولادى», دەپ اتاپ ءوتتى پرەزيدەنت.
