تاۋكە حان داڭعىلىندا ورنالاسقان كاسىپورىنداردىڭ بىرىنەن ءورت شىققانى تۋرالى حابارلاما تۇنگى ساعات ەكىلەر شاماسىندا تۇسكەن. ءتىلسىز جاۋدى اۋىزدىقتاۋعا توتەنشە جاعدايلار دەپارتامەنتىنىڭ 72 قىزمەتكەرى,16 تەحنيكا, 1 ءورت پويىزى جۇمىلدىرىلدى.
«ناتيجەسىندە ءورت تاڭعى التىعا قاراي تولىق ءسوندىرىلدى. ءورت سوندىرۋشىلەر قويمادان 80 ليترلىك ءۇش وتتەگى بالونىن جانە ءبىر 50 ليترلىك گاز بالونىن قاۋىپسىز جەرگە شىعارعان كورىنەدى. قازا تاپقاندار مەن زارداپ شەككەندەر جوق», دەپ حابارلايدى شىمكەنت قالاسىنىڭ توتەنشە جاعدايلار دەپارتامەنتى.
