«اتموسفەرالىق فرونتالدىق بولىكتەردىڭ رەسپۋبليكانىڭ شىعىس, وڭتۇستىك-شىعىس ايماقتارىنداعى اسەرى ساقتالادى, نايزاعاي ويناپ, جاڭبىر جاۋادى. شىعىس قازاقستان وبلىسىنىڭ سولتۇستىك-شىعىسىندا قاتتى جاڭبىر جاۋادى. وڭتۇستىكتە, شىعىستا, وڭتۇستىك-باتىستا جەل كۇشەيەدى, وڭتۇستىك-باتىستا شاڭدى داۋىل سوعادى, وڭتۇستىك-شىعىستا بۇرشاق جاۋىپ, سولتۇستىك-شىعىستا جانە ورتالىقتا تۇمان تۇسەدى», دەلىنگەن حابارلامادا.
شىعىس قازاقستان وبلىسىندا تۇندە باسىم بولىگىندە, كۇندىز شىعىسىندا, وڭتۇستىگىندە نايزاعاي ويناپ, تۇندە جانە تاڭەرتەڭ سولتۇستىگىندە تۇمان تۇسەدى, نايزاعاي كەزىندە جەل ەكپىنى 15-20 م/س كۇشەيەدى.
الماتى وبلىسىنىڭ سولتۇستىگىندە جانە تاۋلى اۋداندارىندا, جامبىل وبلىسىنىڭ شىعىسىندا جانە تاۋلى اۋداندارىندا نايزاعاي ويناپ, بۇرشاق جاۋادى, جەل 17-22 م/س كۇشەيەدى.
تۇركىستان وبلىسىندا تاۋلى اۋدانداردا نايزاعاي وينايدى, نايزاعاي كەزىندە ەكپىنى 15-20 م/س جەل كۇشەيەدى.
قاراعاندى وبلىسىندا تۇندە شىعىسىندا نايزاعاي ويناپ, تۇندە جانە تاڭەرتەڭ سولتۇستىگىندە تۇمان تۇسەدى.
پاۆلودار وبلىسىنىڭ تۇندە سولتۇستىك-باتىسىندا, وڭتۇستىك-باتىسىندا تۇمان تۇسەدى. ماڭعىستاۋ وبلىسىنىڭ سولتۇستىك-شىعىسىندا شاڭدى داۋىل سوعادى.
قوستاناي, اقمولا وبلىستارىنىڭ سولتۇستىگىندە, سولتۇستىك قازاقستان وبلىسىنىڭ سولتۇستىك-باتىسىندا, قاراعاندى وبلىسىنىڭ سولتۇستىگىندە جانە شىعىسىندا توپىراق بەتىندە 2 گرادۋس ۇسىك تۇسەدى.
كۇندىز باتىس قازاقستان وبلىسىندا قاتتى ىستىق بولادى.
ماڭعىستاۋ, اتىراۋ, باتىس قازاقستان, اقتوبە, تۇركىستان, قىزىلوردا وبلىستارىندا, جامبىل, قوستاناي, الماتى وبلىستارىنىڭ باسىم بولىگىندە, قاراعاندى وبلىسىنىڭ باتىسىندا, وڭتۇستىك-باتىسىندا, شىعىس قازاقستان وبلىسىنىڭ وڭتۇستىگىندە, اقمولا وبلىسىنىڭ باتىسىندا, سولتۇستىك-باتىسىندا, پاۆلودار وبلىسىنىڭ ورتالىعىندا توتەنشە ءورت قاۋپى ساقتالادى.
