ايماقتار • 01 قىركۇيەك، 2021

جوعالعانداردى ىزدەۋ جالعاستىرىلىپ جاتىر

46 رەت كورسەتىلدى

وتكەن اپتادا جامبىل وبلىسىنىڭ بايزاق اۋدانىندا ورنالاسقان اسكەري قويمادا بولعان جارىلىسقا بايلانىستى مەملەكەت باسشىسى قاسىم-جومارت توقاەۆتىڭ شۇعىل تاپسىرماسىمەن قۇرىلعان ۇكىمەتتىك كوميسسيا وڭىرگە كەلىپ، وقيعانىڭ زارداپتارىن جويۋ ماقساتىندا ءتيىستى جۇمىستار اتقارۋ ۇستىندە. بۇگىندە مۇنداعى ينجەنەرلىك وق-دارىلەر قويماسىنىڭ اۋماعى تازارتىلىپ جاتىر.

سونىمەن قاتار قورعانىس مي­نيستر­­لىگىنىڭ وكىلدەرى قازا تاپقان اسكەري قىزمەتشىلەردىڭ وتباسى­لارى­مەن جۇمىس جۇرگىزۋدە. باس شتاب باستىعىنىڭ ورىنباسارى – تار­بيە جانە يدەولوگيالىق جۇمىس­تار دەپارتامەنتىنىڭ باستىعى گەنەرال-مايور سەرىك بورامباەۆتىڭ اي­تۋىنشا، قازا بولعان اسكەري قىز­مەت­شىلەردىڭ وتباسىلارىنا جانە ەمدەۋ ورىندارىندا جاتقان اسكەري قىز­مەتشىلەرگە كومەك كورسەتۋ ماق­ساتىندا ءموبيلدى توپتار قۇرىلىپ،  الەۋمەتتىك، پسيحولوگيالىق جانە ماتە­ريالدىق كومەك كورسەتۋ جۇمىس­تارى ۇيىمداستىرىلعان. قازا تاپ­قان اسكەري قىزمەتشىلەردىڭ جانە توتەن­شە جاعدايلار مينيستر­لىگى قىز­مەت­كەرلەرىنىڭ وتباسىلارىنا ەرىكتى قارجىلاي كومەك كورسەتۋ ءۇشىن قور قۇرىلعان. سونداي-اق سەرىك بورام­باەۆ قارۋلى كۇشتەردىڭ جەكە قۇرامى ءبىر كۇندىك جالاقىنى قورعا اۋدارۋ تۋرالى شەشىم قابىلداپ،  قور­عانىس مينيسترلىگى بالالاردى ءوز قامقورلىعىنا العانىن، بۇل جۇمىس ودان ءارى ۇنەمى جۇرگىزىلەتىنىن  جەتكىز­دى. سونىمەن قاتار قارۋلى كۇشتەر كاسىپوداعىنىڭ قىزمەتكەرلەرى  مار­قۇم ورازبەك دالىباەۆتىڭ وتباسىنا قارجىلاي كومەك كورسەتكەن.

بۇگىندە بايزاق اۋدانىندا ورىن العان وقيعاعا بايلانىستى قۇ­­رىل­عان وب­لىستىق جەدەل شتاب­تىڭ دا جۇ­­مى­سى جالعاسۋدا. شتاب مۇ­شە­­لەرى عى­لىمي-زەرتتەۋ قىزمەت­كەر­­لەرى­مەن بىرگە اتالعان اۋدانعا قاراس­­تى 3 ەل­دى مەكەندەگى تۇرعىن ۇي­لەر مەن الەۋ­مەت­تىك نىسانداردى تۇگەل­دەي زەرتتە­گەن. قازىرگى تاڭدا جوندەۋ­دى قاجەت ەتە­تىن 118 جىلجىماي­تىن م ۇلىك انىق­تال­عان. ونىڭ ىشىندە 106  تۇرعىن ءۇي بولسا، 12-ءسى – كوممەرتسيالىق نىسان.

جامبىل وبلىسىنىڭ اكىمى بەردىبەك ساپارباەۆ انىقتالعان 106 تۇرعىن ءۇيدىڭ 35-ءى كۇردەلى جوندەۋدەن وتەتىنىن، قالعان 71 ءۇيدىڭ قالپىنا كەلتىرىلەتىنىن ايتتى. بارلىق جۇمىسقا ۇكىمەت تاراپىنان بولىنەتىن قارجى جانە جەرگىلىكتى بيۋدجەت پەن وڭىردەگى دەمەۋشىلەردىڭ قاراجاتى جۇمسالادى. ەكى ايدىڭ ىشىندە بارلىق ءۇي قالپىنا كەلتىرىلەتىن بولادى.

«الەۋمەتتىك نىساندارعا توقتال­ساق، 3 مەكتەپكە زاقىم كەلگەن. اسىرەسە، قاتتى زارداپ شەككەنى – جىبەك جولى  اۋىلىنداعى ءبىلىم وشاعى. 118 بالا وقيتىن ءبىلىم مەكەمەسىنىڭ ىرگەسى 1956 جىلى قالانعان. ەسكى مەك­تەپ­تىڭ ورنىنا جاڭا عيمارات سالۋ­عا شەشىم قابىلداندى. اۋىل حالقى سانىنىڭ ءوسىمى ەسكەرىلىپ، ۇكىمەت­كە 150 ورىندىق جاڭا مەكتەپ­تىڭ قۇ­رى­لىسى بويىنشا ۇسى­نىس جول­داي­مىز. سالىناتىن جەر بەلگى­لەندى، قۇ­­جات­تارى بارىنشا قىس­قا ۋا­قىت­تا دا­يىن­دالادى. جەڭىل زاقىم­­دان­عان ۇشبۇلاق پەن بازار­باي اۋىل­دارىن­داعى مەكتەپتەر دەمەۋشى­لەر ەسە­بىنەن قالىپقا كەلتىرىلۋدە. ولار 1 قىركۇيەككە دەيىن دايىن بولا­دى. ءدال سونداي ءبىر مەدي­تسي­نا­­لىق پۋنكت تە ءبىر اپتا ىشىندە تولى­عى­مەن جوندەلەدى»، دەدى بەردىبەك ساپارباەۆ.

بۇگىندە وڭىردەگى تەمىر جولدار، اۆتوجولدار قالىپتى رەجىمگە كوش­كەن. تۇرعىنداردىڭ بارلىعى ۇي­لەرىنە ورالعان. ال ۇيلەرى كۇردەلى جوندەۋدەن وتەتىن قاينار اۋىلىنىڭ تۇرعىندارى ۋاقىتشا باسپانامەن، ازىق-ت ۇلىكپەن قامتاماسىز ەتىلۋدە.

 وكىنىشكە قاراي، وسى كۇنگە دەيىن جامبىل وبلىسىندا ورىن العان جارىلىس سالدارىنان قازا بولعاندار سانى 15-كە جەتتى. ءتۇر-ءتۇسى تانۋعا كەل­مەيتىن 3 ءمايىتتىڭ سىناما ۇلگىلەرى شىم­كەنت قالاسىنداعى زەرتحانادا تال­دانىپ، قورىتىندىسى سەيسەنبى كۇنى تا­ڭەرتەڭ تۋىستارىنا ايتىلدى. سو­نىمەن قاتار قازىرگى تاڭدا تاراز قا­لالىق ورتالىق اۋرۋحاناسىندا 28 ناۋقاس ەم الۋدا. ونىڭ ىشىندە 4 ازا­ماتتىڭ جاعدايى ورتاشا اۋىر. ولار­عا بارلىق مەديتسينالىق كومەك كور­سەتىلۋدە. ءدارى-دارمەكپەن، باسقا دا قا­جەت­تىلىكتەرمەن قامتاماسىز ەتىلگەن.

جالپى، ءتۇرلى دەڭگەيدە جاراقات العان 98 ادامنىڭ ىشىندە قاراپايىم تۇرعىندار جوق. ولاردىڭ بارلىعى دا اسكەريلەر مەن توتەنشە جاعداي سالاسىنىڭ قىزمەتكەرلەرى. قازىرگى تاڭدا وزگە دە حابارسىز كەتكەندەر ىزدەستىرىلۋدە. جوعالعانداردى ىزدەۋ جۇ­مىستارىنا اسكەريلەر، توتەنشە جاعداي دەپارتامەنتىنىڭ ماماندارى، كينولوگتار، قىزمەتتىك يتتەر مەن اتتى ادامدار جۇمىلدىرىلعان. ارنايى درون قۇرىلعىسىنىڭ مۇمكىندىگى دە بارىنشا پايدالانىلۋدا. قازىرگى تاڭدا 180 ادام مەن 40 شاقتى تەحنيكا جۇمىس اتقارۋدا.

 

جامبىل وبلىسى

 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

ۇقساس جاڭالىقتار