ساياسات • 01 قىركۇيەك، 2021

نيەت حاتتاماسىنا قول قويىلدى

37 رەت كورسەتىلدى

ەل تاۋەلسىزدىگىنىڭ 30 جىلدىعىنا ارنالعان ءىس-شارالار اياسىندا جەنەۆا قالاسىندا (شۆەيتساريا) قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ دەلەگاتسياسى بۇۇ ءبولىمىنىڭ جەنەۆاداعى كىتاپحانا جانە ارحيۆ ديرەكتورى فرانچەسكو پيزانومەن كەزدەستى.

ءىس-شارا بۇۇ-نىڭ جەنەۆا­داعى بولىمشەسىنىڭ باس ديرەكتورى تاتيانا ۆالوۆايا مەن ەلى­مىزدىڭ اتالعان بولىمشەدەگى تۇ­راقتى وكىلى جانار ايت­جا­نوۆانىڭ قاتىسۋىمەن ءوتتى. تاراپتار ەلباسى كىتاپحاناسى مەن بۇۇ ءبولىمىنىڭ جەنەۆاداعى كىتاپ­حاناسى اراسىنداعى ىنتى­ماقتاستىق جوسپارىن تالقىلاپ، قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى مەن بۇۇ ءبولىمىنىڭ جەنەۆاداعى كىتاپحانا جانە ءارحيۆى اراسىنداعى نيەت تۋرالى حاتتاماسىنا قول قويدى. قۇجات ارحيۆ، تاريح سالالارىنداعى كوپجاقتى، حالىقارالىق قارىم-قاتىناستار مەن قۇندىلىقتاردى زەرتتەۋدىڭ ىنتىماقتاستىعىن، بىرىككەن ۇلتتار ۇيىمىنىڭ قىزمەتى مەن قازاقستاننىڭ تاريحي مۇراسىن زەرتتەۋدەگى سەرىكتەستىكتى كوزدەيدى.

جيىندا ەلباسى كىتاپ­حا­نا­سىنىڭ ديرەكتورى باقىت­جان تەمىربولات: «تۇڭ­عىش پرەزيدەنتىمىز ن.ءا.نازارباەۆ­تىڭ تاريحي شەشىمى­نىڭ ارقا­سىندا سەمەي يادرو­لىق پوليگونىن جاپقان قازاق­ستان قارۋسىزدانۋ سالاسى كوش­باس­شىلارىنىڭ ءبىرى بولىپ مو­يىندالدى. 2009 جىلى بۇۇ باس اسسامبلەياسى ءبىراۋىزدان قارار قابىلداپ، 29 تامىزدى يادرولىق سىناقتارعا قارسى ءىس-قيمىلدىڭ حالىقارالىق كۇنى دەپ جاريالادى. بەيبىتشىلىك پەن جاھاندىق قاۋىپسىزدىكتى نىعايتۋعا باعىت­تالعان كوپتەگەن باسقا باستا­مالار سياقتى مۇنى دا ەلبا­سى ۇسىندى. ونىڭ «الەم. ءححى عاسىر» مانيفەستى باس اسسام­بلەيا مەن بۇۇ قاۋىپسىزدىك كەڭە­سى­نىڭ رەسمي قۇجاتى مارتە­بەسىن الدى. قازىرگى گەوساياسي تۇ­راق­سىزدىق جاعدايىندا قازاقستاننىڭ بىتىمگەر جانە يادرولىق قارۋعا تىيىم سالۋ يدەيا­سىنىڭ اۆتورى رەتىندە ءرولى زور. بۇل باعىتتى 2011-2013 جىلدار ارالىعىندا بۇۇ باس حات­شىسىنىڭ ورىنباسارى جا­نە جەنەۆاداعى بۇۇ ەۋروپا ءبو­لىمى­نىڭ باسشىسى بولىپ جۇمىس ىس­تە­گەن مەملەكەت باسشىمىز ق.توقاەۆ  جالعاستىرىپ كەلەدى»، دەدى.

بۇۇ-نىڭ جەنەۆاداعى بولىم­شەسىنىڭ باس ديرەكتورى تاتيانا ۆالوۆايا دا قازاق­ستان­نىڭ يادرولىق قارۋسىزدانۋعا قوس­قان ۇلەسىنە توقتالىپ، ءوزارا بايلانىستى ودان ءارى نىعاي­تۋ­دىڭ ماڭىزدىلىعىن اتاپ ءوتتى.

«قازاقستان رەسپۋبلي­كا­سى­نىڭ تۇڭعىش پرەزيدەنتى – ەلباسى كىتاپحاناسىمەن قارىم-قاتىناس ورناتۋ ءبىز ءۇشىن ۇلكەن مارتەبە. ن.ءا.نازارباەۆ – حح عا­سىر­دىڭ اياعى مەن ءححى عاسىردىڭ باسىنداعى الەمدىك دەڭگەيدەگى ءىرى ساياساتكەرلەردىڭ ءبىرى. ونىڭ ەسىمىمەن اتالعان مەكەمەنىڭ ءارحيۆى مەن كىتاپحاناسىن كوپشى­لىككە قولجەتىمدى ەتۋ – اقىلمەن تابىلعان وي. بۇگىندە كىتاپحانا – ءارى عىلىمي ورتالىق، ءارى ما­ڭىزدى حالىقارالىق ءىس-شارا­لاردىڭ ۇيىتقىسى. بۇۇ قازاق­ستان رەسپۋبليكاسىنىڭ ەكىجاقتى ىنتىماقتاستىقتاعى تۇراقتى ۇستانىمىن جانە نەگىزگى باستامالارىن، اتاپ ايتقاندا، قارۋسىزدانۋ، ۇلتارالىق جانە كونفەسسياارالىق ديالوگ قۇرۋ سياقتى يدەيالارىن جوعارى باعالايدى. زەرتتەۋشىلەردىڭ ءبىزدىڭ كىتاپحاناعا دا، ەلبا­سى كىتاپحاناسىنا دا قىزى­عۋ­شى­لىعى زور»، دەدى ت.ۆالوۆايا. ونىڭ ايتۋىنشا، 1946 جىلى ۇلت­تار ليگاسىنىڭ بارلىق ءارحيۆى مەن باسىلىمىن قولعا العان بۇۇ كىتاپحاناسى مەن ءار­حيۆى قازىرگى ۋاقىتتا ءوز قو­رىن تسيفرلاندىرۋ بويىنشا اۋ­قىم­دى جوبانى جۇزەگە اسىرىپ جاتىر. ەندى بىرەگەي ماتە­ريالدار الەمنىڭ كەز كەلگەن جە­رىندەگى زەرتتەۋشىلەرگە قول­جەتىمدى بولادى. بۇگىندە  بۇۇ كىتاپحاناسى مەن ءارحيۆى قورىندا 17 ميلليوننان استام كىتاپ بار. كەزدەسۋدە كىتاپحانالار اراسىندا ەلەكتروندى كىتاپ الماسۋ ۇسىنىلدى.

ءوز كەزەگىندە جەنەۆاداعى بۇۇ كەڭسەسى كىتاپحاناسى مەن ءار­­حيۆىنىڭ ديرەكتورى فران­­چەسكو پيزانو بىلاي دەدى: «قا­­رۋ­­سىزدانۋ جانە يادرو­لىق قا­رۋدى تاراتپاۋ – بۇۇ كەڭ­سەسى كى­تاپ­حاناسى مەن ءارحي­ۆى قىزمە­تىنىڭ ماڭىزدى باعىت­تا­­رى­­نىڭ ءبىرى. كوپتەگەن ما­تەريال، قۇجاتتار مەن كى­تاپ­تار اتالعان ماسەلەلەردى قام­­تيدى. سوندىقتان دا قا­زاق­ستان رەسپۋبليكاسىنىڭ تۇڭ­عىش پرەزيدەنتى – ەلباسى كىتاپ­حا­نا­سىنىڭ دا بۇل ماسە­لە­لەر­مەن اينالىساتىنىنا قۋانىپ وتىرمىز. بۇل ءوزارا ىن­تى­ماق­تاس­تىعىمىزدى نىعايتا تۇسەدى».

ەستەرىڭىزگە سالساق، وسى جىل­دىڭ 30 تامىزى مەن 1 قىر­كۇيەگى ارالىعىندا ەلباسى كى­تاپحاناسى جەنەۆا قالاسىندا حالىقارالىق ۇيىمداردىڭ وكىلدەرىمەن بىرقاتار ءىس-شارا مەن كەزدەسۋ ءوتتى. ولاردىڭ اياسىندا جاھاندىق جانە ايماقتىق قاۋىپسىزدىكتىڭ، ارحيۆتىك جانە تاريحي زەرتتەۋلەردىڭ، ديپ­لوماتيا مەن حالىقارالىق قاتىناستاردىڭ ماسەلەلەرىنە قاتىستى ىنتىماقتاستىقتى دامىتۋعا باعىتتالعان قۇ­جات­تارعا قول قويىلدى. سونداي-اق ەل­باسى كىتاپحاناسى جەنەۆا سايا­سات جانە قاۋىپسىزدىك ورتا­لى­عى ىنتىماقتاستىق مەموراندۋمى بەكىتىلدى.

سەمەي يادرولىق پولي­گو­نى جابىلۋىنىڭ 30 جىل­دىعىنا جانە 29 تامىز – يادرولىق سىناقتارعا قارسى ءىس-قيمىلدىڭ حا­لىقارالىق كۇرەس كۇنىنە وراي جەنەۆادا «قازاقستان – بۇۇ: بەيبىتشىلىك ءۇشىن سەرىكتەستىك» حالىقارالىق كونفەرەنتسياسى ءوتتى. كونفەرەنتسيا بارىسىندا اعىلشىن تىلىندەگى «يادرولىق قارۋسىز الەمگە بەتبۇرىس: ەلباسى باستامالارى» عىلىمي جيناعىنىڭ تۇساۋكەسەرى بولدى.

 

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار