ينفراقۇرىلىمدى دامىتۋدىڭ 2020-2025 جىلدارعا ارنالعان «نۇرلى جول» مەملەكەتتىك باعدارلاماسى شەڭبەرىندە وسكەمەن قالاسى اۋەجايىنىڭ ۇشۋ-قونۋ جولاعى قايتا جاڭارتىلۋدا. جوبادا جولاقتاردى 300 مەترگە ۇزارتۋ جانە اۋە كەمەلەرىنىڭ قازىرگى زامانعى ۇلگىلەرىن قابىلداۋ ءۇشىن جارىق-دىبىس جابدىقتارىن اۋىستىرۋ كوزدەلگەن.
جەكە ينۆەستيتسيالار ەسەبىنەن شىمكەنت قالاسى اۋەجايىنىڭ جاڭا تەرمينالى سالىنىپ جاتىر. ناتيجەسىندە تەرمينال الاڭى 3,8 مىڭ م2-دەن 35 مىڭ م2-گە دەيىن كەڭەيىپ, وتكىزۋ قابىلەتى ساعاتىنا 150-دەن 2000 جولاۋشىعا دەيىن ارتادى.
جاڭا تەرمينال حالىقارالىق ساپا جانە قاۋىپسىزدىك ستاندارتتارىنا سايكەس كەلەدى. بۇل مەگاپوليس تۇرعىندارى مەن قوناقتارى ءۇشىن جايلى جاعداي جاسايدى.
باتىس قازاقستان وبلىسىنىڭ اكىمدىگى جەكە ينۆەستيتسيالاردى تارتا وتىرىپ, ورال قالاسى اۋەجايىنىڭ اەروۆوكزال كەشەنىن جاڭعىرتىپ جاتىر. تەرمينال اۋماعى ەكى ەسەدەن استام ۇلعايتىلىپ, وتكىزۋ قابىلەتى ساعاتىنا 100-دەن 200 جولاۋشىعا دەيىن جەتكىزىلەدى.
اتالعان جوبالار بويىنشا قۇرىلىس جۇمىستارىن 2021 جىلدىڭ سوڭىندا جانە كەلەسى جىلدىڭ ءبىرىنشى جارتىجىلدىعىنا اياقتاۋ جوسپارلانعان.
الاكول كولىنىڭ تۋريستىك ورتالىعىنا كولىكپەن بارىپ-قايتۋدى قولايلى ەتۋ ماقساتىندا ءۇرجار اۋىلىنىڭ ۇشۋ-قونۋ جولاعىن جانە اەروۆوكزال عيماراتىن رەكونسترۋكتسيالاۋ جۇمىستارىن بيىل اياقتاۋ جوسپارلانۋدا. سونداي-اق ءۇشارال قالاسى اۋەجايىنىڭ ۇشۋ-قونۋ جولاعىن, رولدەۋ جولىن جانە پەررونىن رەكونسترۋكتسيالاۋ جۇمىستارى باستالدى.
وسى جوبالاردى ىسكە اسىرۋ اۋەجايلاردىڭ جەرۇستى ينفراقۇرىلىمىن جاقسارتىپ, قاۋىپسىزدىك جانە قىزمەت كورسەتۋ ستاندارتتارىن ارتتىرۋعا ىقپال ەتەدى.
