بۇل تۋرالى الماتى قالالىق الەۋمەتتىك ءال-اۋقات باسقارماسىنىڭ باسشىسى نازيرا توعىزباەۆا ونلاين بريفينگتە ايتتى.
ن. توعىزباەۆانىڭ ايتۋىنشا, جىل باسىنان بەرى 132 مىڭ الماتىلىق الەۋمەتتىك قولداۋ العان. كومەك «ەڭبەك» مەملەكەتتىك باعدارلاماسى اياسىندا كورسەتىلگەن. اتالعان قولداۋعا از قامتىلعان ازاماتتار, مۇگەدەكتەر يە بولعان.
سونىمەن قاتار ول «ەڭبەك» باعدارلاماسى اياسىندا جىل سوڭىنا دەيىن 13,8 ملرد بولىنگەنىن, بۇل قاراجات 24 مىڭنان استام ادامعا كومەكتەسۋگە جەتكىلىكتى ەكەنىن مالىمدەدى.
«وسى جىلدىڭ 7 ايىندا جۇمىسپەن قامتۋ ورتالىعىنا 27 مىڭ ادام جۇگىنگەن. 19 700 ادام جۇمىسپەن قامتۋدى قامتاماسىز ەتۋ بويىنشا بەلسەندى شارالارعا تارتىلدى, 17 900 ادام جۇمىسقا ورنالاستىرىلدى. تۇراقتى جۇمىسپەن قامتىلعانداردىڭ ىشىندە مەگاپوليستىڭ 8 700 تۇرعىنى بار, تاعى 9 200 ادام ۋاقىتشا جۇمىسپەن قامتىلدى, 1 100 ادام قازىر الەۋمەتتىك جۇمىس ورىندارىندا جۇمىس ىستەيدى, 1 500 ۇمىتكەر جاستار پراكتيكاسى ارقىلى جاڭا جۇمىسقا جولداندى. ءبىلىم بەرۋ ۇيىمدارىنىڭ تاعى 800 تۇلەگىن جۇمىسقا ورنالاستىرۋ جوسپارلانۋدا. 6 600 ادام قوعامدىق جۇمىستارعا جىبەرىلدى», دەدى باسقارما باسشىسى.
