مينيسترلىك مالىمەتىنشە, قازىرگى ۋاقىتتا شەكارا جابىق جانە «تەرمەز» وتكىزۋ بەكەتى ارقىلى قۇرلىقتان ءوتۋ توقتاتىلدى, سونىمەن قاتار ەل اۋماعى ارقىلى ترانزيتپەن جۇرگەن اۋعانستان ازاماتتارى مەن شەتەلدىكتەردى ەۆاكۋاتسيالاۋ تەك اۋە جولىمەن جۇزەگە اسىرىلادى.
«شەكارادان وتۋگە جاسالعان كەز كەلگەن ارەكەت سەبەبىنە قاراماستان وزبەكستان رەسپۋبليكاسىنىڭ زاڭناماسىنا سايكەس جاۋاپقا تارتىلادى. سوڭعى 12 كۇن ىشىندە وزبەكستان بىرقاتار مەملەكەتكە ەۆاكۋاتسيا ءۇشىن گۋمانيتارلىق وپەراتسيالاردى جۇزەگە اسىرۋعا كومەكتەستى», دەلىنگەن حابارلامادا.
اۋعانستانداعى جاعداي شيەلەنىسكەننەن كەيىن وزبەكستان بوسقىنداردى كورشى مەملەكەتتەن ەۆاكۋاتسيالاۋ تىزبەگىندە ايالداما رەتىندە ارەكەت ەتەدى. گەرمانيادان باسقا ەو ازاماتتارىن تاشكەنت ارقىلى, پولشا ۇكىمەتى ناۆوي اۋەجايى ارقىلى, ۆەنگريا ۇكىمەتى بۇحارا اۋەجايى ارقىلى ءوز ەلدەرىنە ەۆاكۋاتسيا جاسايدى.
