قازاقستان اۋماعىنىڭ باسىم بولىگىنە اتموسفەرالىق فرونتتار اسەر ەتەدى. سالدارىنان نايزاعاي ويناپ, جاڭبىر جاۋادى.
ورتالىق پەن شىعىستا قاتتى جاڭبىر جاۋادى. جەل كۇشەيەدى. ورتالىقتا, شىعىستا, وڭتۇستىك-شىعىستا بۇرشاق جاۋادى. تەك ەلىمىزدىڭ باتىسى, سولتۇستىك-باتىسى جانە سولتۇستىگىندە انتيتسيكلون اسەرىنەن جاۋىن-شاشىن جاۋمايدى, كۇن اشىق. الماتى وبلىسىندا نايزاعاي بولىپ, جەل قارقىنى - 15-20 م/س.
جامبىل وبلىسىندا نايزاعاي, بۇرشاق بولىپ, وبلىستىڭ وڭتۇستىك-باتىسىندا, سولتۇستىك-شىعىسىندا جەل 15-20 م/س, كۇندىز ەكپىنى 23 م/س دەيىن كۇشەيەدى. تۇركىستان وبلىسىنىڭ تاۋلى اۋداندارىندا كۇن كۇركىرەيدى, جەلدىڭ كۇشى 15-20 م/س بولادى.
قوستاناي وبلىسىنىڭ سولتۇستىگىندە تۇندە تۇمان تۇسەدى, كۇندىز وبلىستىڭ وڭتۇستىك-شىعىسىندا جەل قارقىنى 15-20 م/س جەتەدى.
قاراعاندى وبلىسىنىڭ سولتۇستىك-شىعىسىندا, شىعىسىندا, وڭتۇستىگىندە جانە ورتالىعىندا - نايزاعاي, بۇرشاق, داۋىل, جەل ەكپىنى - 15-20 م/س.
تۇندە جانە تاڭەرتەڭ وبلىستىڭ سولتۇستىگىندە تۇمان بولادى. شىعىس قازاقستان وبلىسىندا نايزاعاي, كۇندىز وبلىستىڭ باتىسىندا, سولتۇستىگىندە, سولتۇستىك-باتىسىندا جانە ورتالىعىندا نايزاعاي, داۋىل بولادى, وبلىستىڭ سولتۇستىك-باتىسىندا جەل 15-20 م/س, سولتۇستىك-باتىسىمەن ورتالىعىندا ەكپىنى 23 م/س بولادى.
پاۆلودار وبلىسىنىڭ باتىسىندا تۇمان تۇسەدى.
اقمولا وبلىسىنىڭ سولتۇستىگىندە جانە سولتۇستىك-شىعىسىندا تۇندە جانە تاڭەرتەڭ تۇمان بولادى.
كۇندىز قىزىلوردا وبلىسىنىڭ سولتۇستىك-باتىسىندا جەل 15-20 م/س دەيىن كۇشەيەدى.
قوستاناي وبلىسىنىڭ سولتۇستىگى مەن شىعىسىندا توپىراق بەتىندە 2 گرادۋس ۇسىك ساقتالادى.
اقمولا, سولتۇستىك قازاقستان وبلىستارىنىڭ سولتۇستىگى مەن باتىسىندا توپىراق بەتىندە 2 گرادۋس ۇسىك جۇرەدى. ماڭعىستاۋ, اتىراۋ, باتىس قازاقستان, اقتوبە, تۇركىستان, جامبىل وبلىستارىندا, قىزىلوردا, قوستاناي, الماتى وبلىستارىنىڭ باسىم بولىگىندە, قاراعاندى وبلىسىنىڭ باتىسىندا جانە وڭتۇستىك-باتىسىندا, شىعىس قازاقستان وبلىسىنىڭ وڭتۇستىگىندە, اقمولا وبلىسىنىڭ باتىسىندا, پاۆلودار وبلىسىنىڭ ورتالىعىندا توتەنشە ءورت قاۋپى ساقتالادى.
