ەنەرگوكەشەننىڭ اشىلۋىنا قالا اكىمى مۇرات ايتەنوۆ قاتىسىپ, بۇقارالىق اقپارات قۇرالدارى وكىلدەرىنە نىساننىڭ ستراتەگيالىق ماڭىزى جونىندە ماعلۇمات بەردى.
قۇرىلىستىڭ سوڭعى ساتىسىندا كەشەنگە ەلەكتر قۋاتى بەرىلىپ, 72 ساعاتتىق مەرزىمدە تەحنيكالىق سىناق جۇمىستارى جۇرگىزىلىپ, ءساتتى وتكەن.
«بوزارىق» قوسالقى ەلەكتر ستانتسياسى نەگىزگى كەشەن سانالادى. ول قۋاتى 110/35/10 كۆ بولاتىن 5 قوسالقى ەلەكتر ستانتسيالارىنىڭ قوسىلۋ كوزى. وسى كەشەننەن قۋات الاتىن ء«نۇرسات», «استانا-1», «استانا-2» قوسالقى ستانتسيالارىنىڭ قۇرىلىستارى اياقتالعان. «1-م-1» ستانتسياسىنىڭ قۇرىلىسى جالعاسىپ جاتسا, «ىنتىماق» قوسالقى ستانتسياسىنىڭ جوبا-سمەتالىق قۇجاتىن ازىرلەۋگە تاپسىرىس بەرىلگەن.
كەشەننىڭ ىسكە قوسىلۋىمەن اسار-2, تۇران, ىنتىماق-2, سولتۇستىك ساياجاي, باتىس, بوزارىق, قايناربۇلاق, شىمكەنتسيتي, دوستىق, ءنۇرسات شاعىن اۋداندارىندا ەلەكتر قۋاتىنىڭ ساپاسى ارتادى.
«مەملەكەت باسشىسىنىڭ تاپسىرماسى بويىنشا سالىنعان بۇل كەشەن 250 مىڭنان استام حالىقتى ساپالى ەلەكتر ەنەرگياسىمەن قامتيتىن بولادى. قالامىز ءىرى وندىرىستىك ورتالىق رەتىندە قالىپتاسىپ وتىر. «بوزارىق» ەلەكتر ستانتسياسى ستراتەگيالىق نىسان رەتىندە شاھارداعى ەلەكتر قۋاتىنىڭ جەتىسپەۋشىلىگىن شەشەدى», دەدى م.ايتەنوۆ.
«بوزارىق» قوسالقى ەلەكتر ستانتسياسى قالانىڭ قۇرىلىسى قارقىن العان سولتۇستىك بولىگىن ەلەكتر قۋاتىمەن قامتاماسىز ەتەدى. مۇندا جاڭا شاعىن اۋداندار بوي كوتەرىپ, جاڭا وندىرىستىك ايماقتىڭ ىرگەسى قالانعان», دەپ حابارلايدى قالاسى اكىمدىگىنىڭ ءباسپاسوز قىزمەتى.
