ءورت ءسوندىرۋشى اسكەري قويماداعى قىزىل جالىندى اۋىزدىقتاۋ كەزىندە بولعان, جويقىن جارىلىستان قازا تاپقان. ونىڭ ارتىندا اتا-اناسى, 5 بالاسى, جارى, باۋىرلارى قالدى. مەيىرجان – ايمانوۆتار اۋلەتىنىڭ ۇلكەنى بولاتىن.
«ورىندالماعان ارماندارى كوپ ەدى. تىم ەرتە كەتتى. جانىمدى ايتقىزباي ۇعاتىن ق ۇلىنىم ەدى» دەيدى ەتەگى جاسقا تولعان اناسى ايتكۇل ايمانوۆا.
«جەتىگە قاراي مەن ونىمەن حابارلاستىم. «بالام, جۇمىسىڭ ءبىتتى مە؟ قايداسىڭ؟ - دەپ ەدىم «ماما, ءورت سوندىرۋگە كەتىپ بارامىن» دەدى. ول جارىلىس بولاتىنىن بىلگەن دە جوق. ءورتتى سوندىرە باستاعان كەزدە جارىلعان عوي. بالالاردىڭ ءبارى ۇشىپ-ۇشىپ كەتتى. ول 1-2 بالانى قۇتقارىپتى. ءوزى قايتادان قالعان بالالارعا كىرىپ كەتىپتى. سودان شىقپادى عوي», دەدى ايتكۇل ايمانوۆا.
مەيىرجان جاقىندا عانا 45 جاسقا تولعان ەدى. ءومىر بويى ءورت ءسوندىرۋ سالاسىندا ەڭبەك ەتىپ, پولكوۆنيك شەنىنە دەيىن ءوستى. «ادالدىق پەن ادىلدىكتى جانى قالايتىن. السىزگە قامقور, جالعاندىققا جانى قاس بولاتىن. كىشكەنتايىنان سپورتتى سەرىك ەتتى» دەيدى بىرگە وسكەن سىنىپتاس دوستارى.
«مەيىرجاندى كىشكەنتايىنان بىلەمىز, سول كەزدە بويىندا قايرات بار ەدى. السىزدەرگە جاقتاسىپ, قورعاپ جۇرەتىن ەدى. توبەمىزدەن جاي تۇسكەندەي بوپ وتىرمىز. «ەندى ءومىر ءسۇرىپ, بالا-شاعانى ءوسىرىپ, قىزىعىن كورەمىن با» دەگەندە قىرشىنىنان كەتىپ وتىر», دەيدى مەيىرجانايمانوۆتىڭ سىنىپتاسى ەلميرا ىزماعامبەتوۆا.
