الدىن الا بولجام بويىنشا, جاڭا وقۋ جىلىندا وڭىردەگى وقۋشىلار سانى 440 مىڭعا وسەدى, ال ءبىرىنشى سىنىپقا 47 مىڭ وقۋشى قابىلدانادى.
«بارلىق مەكتەپتەر قورعانىس قۇرالدارىمەن قامتاماسىز ەتىلدى, وسى ماقساتقا جەرگىلىكتى بيۋدجەتتەن 200 ميلليون تەڭگە ءبولىندى. بارلىق ءبىلىم بەرۋ وبەكتىلەرى Ashyq جوباسىنا قوسىلدى», دەپ اتاپ ءوتتى اكىمنىڭ ورىنباسارى باتىرجان بايجۇمانوۆ Jetisy media بريفينگىندە.
وبلىس مەكتەپتەرىندە حالىقتىڭ الەۋمەتتىك وسال توپتارىنان جانە از قامتىلعان وتباسىلاردان شىققان وقۋشىلاردىڭ 100%-ى تەگىن ىستىق تاماقپەن قامتاماسىز ەتىلەدى.
«كوپ بالالى جانە از قامتىلعان وتباسىلاردان شىققان 44 531 وقۋشىنى ىستىق تاماقپەن, مەكتەپ فورماسىمەن قامتاماسىز ەتۋگە قوسىمشا 2,6 ميلليارد تەڭگە ءبولىندى», دەپ ناقتىلادى وبلىستىق ءبىلىم بەرۋ باسقارماسى باسشىسىنىڭ مىندەتىن اتقارۋشىسى جاڭىل سۇلەيمەنوۆا.
ونىڭ ايتۋىنشا, «مەكتەپكە جول» اكتسياسى اياسىندا 12 902 وقۋشىعا 122 ميلليون تەڭگە كولەمىندە دەمەۋشىلىك كومەك كورسەتىلدى. بۇل باعىتتاعى جۇمىستار ءالى دە جالعاسۋدا.
وبلىستا 40 ءبىلىم بەرۋ نىسانىنىڭ, ونىڭ ىشىندە 28 مەكتەپتىڭ قۇرىلىسى جۇرگىزىلۋدە. وقۋ جىلىنىڭ باسىندا التى جاڭا مەكتەپتى اشىپ, جىل سوڭىنا دەيىن تاعى ءتورت مەكتەپتى تاپسىرۋ جوسپارلانۋدا.
