«جۇمىسسىزدار ساناتىنا قازىرگى ۋاقىتتا ەڭبەك كەلىسىمدەرى جوق, جۇمىس ىزدەپ جۇرگەن جانە جۇمىسقا كىرىسۋگە دايىن ادامدار جاتادى. ستاتيستيكا بيۋروسىنا جۇرگىزىلگەن تالداۋ نەگىزىندە بۇگىنگى تاڭدا قازاقستاندا 451 مىڭ جۇمىسسىز تىركەلگەن. وتكەن جىلدىڭ سايكەس كەزەڭىمەن سالىستىرعاندا جۇمىسسىزدىق 2,6 مىڭ ادامعا ازايدى», دەپ ءتۇسىندىردى ۆيتسە-مينيستر.
ەرجان ءبىرجانوۆ جۇمىسسىزدار ساناتىنا جاتقىزۋدىڭ ەكى ءتارتىبى بار ەكەنىن اتاپ ءوتتى.
ء«بىرىنشىسى - ستاتيستيكا ورگاندارىنىڭ ساۋالناماسىنا سايكەس ىرىكتەۋ. بۇل حالىقارالىق تاجىريبە بارلىق ەلدەردە قولدانىلادى جانە حالىقارالىق ەڭبەك ۇيىمى ۇسىنعان. ياعني, ستاتيستيكا ورگاندارى ساۋالناما جۇرگىزىپ, ءار كەزەڭگە سانداردى شىعارادى. 4,9 كورسەتكىشى - بۇل ستاتيستيكا ورگاندارىنىڭ دەرەكتەرى. ۆەدومستۆولىق ستاتيستيكا دا بار. بۇل ءبىزدىڭ قىزمەت كورسەتۋ ورتالىقتارىنا جۇمىسپەن قامتۋ ورتالىقتارىنا كەلەتىن جانە تىركەلەتىن تۇلعالار. بۇگىندە ولاردىڭ سانى 223 مىڭ», دەدى ەرجان ءبىرجانوۆ.
جۇمىسپەن قامتۋ ورتالىقتارىندا جۇمىسسىز رەتىندە تىركەلۋ ءۇشىن تەك جەكە كۋالىك قاجەت. بۇگىنگى تاڭدا ونلاين رەجيمىندە دە تىركەلۋدى جۇزەگە اسىرۋعا بولادى.
