كەزدەسۋ اياسىندا جوبانىڭ قازىر قانداي دەڭگەيدە جۇزەگە اسىرىلىپ جاتقانى, سونىڭ ىشىندە ۇلتتىق بانكتىڭ تسيفرلىق ۆاليۋتانى ازىرلەۋدە تەحنولوگيالىق ارحيتەكتۋرا مەن الەمدىك ترەندتەردى قالاي قولدانىپ جاتقانى تانىستىرىلدى.
تەحنولوگيا مەن تولەم جۇيەسى قاتار دامىپ جاتقانىن ەسكەرسەك, تسيفرلىق تەڭگە قولدانىستاعى قولما قول جانە قولما قول ەمەس تولەم جۇيەلەرىنە قوسىمشا رەتىندە جاڭا تولەم ينفراقۇرىلىمى بولا الاتىنداي الەۋەتى بار. تسيفرلىق تەڭگەنى ەنگىزە الا وتىرىپ, تولەم قىزمەتى نارىعىنداعى باسەكەنى ارتتىرۋعا, قارجى تەحنولوگياسىن دامىتۋعا جاڭاشا سەرپىن بەرۋگە, سونداي-اق ايماقتارداعى قارجى قىزمەتتەرىنىڭ قولجەتىمدىلىگىن ارتتىرۋعا مۇمكىندىك تۋادى.
تالقىلاۋ بارىسىندا تسيفرلىق ۆاليۋتا قارجى تۇراقتىلىعىنا قالاي اسەر ەتەتىنى, تۇتىنۋشىلار ءۇشىن تولەم جاساۋ قانشالىقتى ىڭعايلى بولاتىنى, سونداي-اق تاۋەكەلدەردى تومەندەتۋدىڭ جولدارى تالقىلاندى.
قارجى نارىعىنىڭ قاتىسۋشىلارى مۇددەلى تاراپتاردىڭ بارلىعىن تاجىريبەدە قولدانۋعا بولاتىن شەشىمدەردى ىزدەۋ ءۇشىن ساۋالناما مەن سۇحباتتاسۋدان وتۋگە شاقىردى. پيلوتتىق جوباعا نارىقتاعى تاراپتاردىڭ بارلىعى شەكتەۋسىز قاتىسا الادى. قازىرگى تاڭدا «تسيفرلىق تەڭگە» پيلوتتىق جوباسىن جۇزەگە اسىرۋعا ەكىنشى دەڭگەيلى 3 بانك قاتىسا باستادى.
