بۇل تۋرالى اقش پرەزيدەنتى دجو بايدەن اق ۇيدەگى بريفينگتە مالىمدەدى.
– وسى شابۋىلدى جاساعاندار, سونىمەن بىرگە امەريكاعا قاستىق ويلاعاندار, ءبىلىپ جۇرىڭدەر: ءبىز بۇنى كەشىرمەيمىز. ءبىز بۇنى ۇمىتپايمىز. ءبىز ىزدەپ تاۋىپ, جازاسىن بەرەمىز, – دەدى بايدەن.
اقش پرەزيدەنتىنىڭ پىكىرىنشە, كابۋلدەگى جارىلىستاردى «يسلام مەملەكەتى» تەرروريستىك ۇيىمى ۇيىمداستىرعان بولۋى مۇمكىن. بايدەن پەنتاگونعا اۋعانستان استاناسىندا تەراكت جاساعان سودىرلارعا سوققى جاساۋ جوسپارىن دايىنداۋدى تاپسىردى.
«تاليبان» مەن يم سودىرلارى وسى شابۋىلدى بىرگەن جاساعان دەۋگە اقش-تا ازىرگە دالەل جوق. بايدەننىڭ ايتۋىنشا, تالىپتەرگە يم-مەن بايلانىس ورناتۋ ءتيىمسىز, ويتكەنى ولار اقش-تىڭ اۋعانستانداعى ادامداردى ەۆاكۋاتسيالاۋدى تەزىرەك اياقتاعانىن قالايدى.
بەيسەنبى كۇنى كەشكە كابۋل اۋەجايىندا بولعان جارىلىستاردان 103 ادام قازا تاپتى, دەپ حابارلادى The Wall Street Journal. 150 ادام جارالانعان.
شابۋىل جاۋاپكەرشىلىگىن «يسلام مەملەكەتى» تەرروريستىك ۇيىمى موينىنا العان.
