«الداعى وقۋ جىلىندا ەلىمىزدىڭ جوعارى وقۋ ورىندارىندا ءبىلىم الاتىن ستۋدەنتتەر ءداستۇرلى فورماتتا وقۋدى باستايدى. ايتا كەتكەن ءجون, جوعارى وقۋ ورىندارىنىڭ شەشىمى بويىنشا وقۋدى ارالاس فورماتتا دا وتكىزۋگە بولادى. ياعني, دارىستەر ونلاين, ال سەمينارلىق, زەرتحانالىق جانە تاجىريبەلىك ساباقتار وفلاين رەجيمدە ۇيىمداستىرىلادى. ال, قاشىقتان وقىتۋ فورماتى ەرەكشە ءبىلىم بەرۋ قاجەتتىلىكتەرى بار جانە تاۋەكەل توپتاعى ستۋدەنتتەرگە قاتىستى قولدانىلۋى مۇمكىن», دەدى ول ورتالىق كوممۋنيكاتسيالار قىزمەتىندەگى ءباسپاسوز ءماسليحاتى بارىسىندا.
ونىڭ اتاپ وتۋىنشە, ستۋدەنتتەر ءۇشىن وقۋ جىلىنىڭ باستالۋى وقۋ كۋرسىنا قاراي وزگەرۋى مۇمكىن. ماسەلەن, 3-4 كۋرس ءبىلىم الۋشىلارى ءۇشىن 1 قىركۇيەكتەن باستالسا, ال 1-2 كۋرس جانە ماگيسترانتتار ءۇشىن وقۋ ۋنيۆەرسيتەتتىڭ اكادەميالىق كۇنتىزبەسىنە سايكەس قىركۇيەك ايىنىڭ سوڭىنا دەيىن باستالا الادى.
«جوعارى وقۋ ورنىنىڭ اۋماعى, وقۋ كورپۋستارى, كىتاپحانا مەن جاتاقحانالاردا مىندەتتى تۇردە Ashyq قوسىمشاسى قولدانىلۋى كەرەك. وقۋ عيماراتتارىنا «جاسىل» نەمەسە «كوك» مارتەبەسى بار ءبىلىم الۋشىلار كىرە الادى. وقۋ عيماراتى نە جاتاقحاناعا كىرگەن كەزدە تەرمومەترمەن تەكسەرىپ, انتيسەپتيك قولدانۋ مىندەتتى بولادى. ماسكا رەجيمى دە قامتاماسىز ەتىلەدى. ستۋدەنتتەردەن پتر-تەستىلەۋدىڭ ناتيجەسىن تالاپ ەتۋگە بولمايتىنىن ەرەكشە اتاپ وتكىم كەلەدى», دەدى قۋانىش ەرعاليەۆ.
